ட்ரம்பின் ஐரோப்பா மீதான புதிய திட்டம்: ஐரோப்பிய ஒன்றியத்திலிருந்து நான்கு நாடுகளை வெளியேற்ற அமெரிக்கா முயற்சி?
அந்த ஆவணத்தின்படி, ஆஸ்திரியா, இத்தாலி, ஹங்கேரி மற்றும் போலந்து ஆகிய நாடுகள் ஐரோப்பிய ஒன்றியத்திலிருந்து வெளியேறி, அமெரிக்காவின் நிழலில் சுயாட்சியுடன் செயல்பட வேண்டும் என அமெரிக்க தேசிய பாதுகாப்பு செயலகம் (NSS) வலியுறுத்தியுள்ளது.
டொனால்டு ட்ரம்ப் தலைமையிலான அமெரிக்க அரசின் ஒரு ரகசிய ஆவணம் கசிந்ததை அடுத்து, ஐரோப்பிய ஒன்றியத்திலிருந்து நான்கு நாடுகளை வெளியேற ஊக்குவிக்கும் ஒரு பெரும் திட்டம் வெளிச்சத்திற்கு வந்துள்ளது.
அந்த ஆவணத்தின்படி, ஆஸ்திரியா, இத்தாலி, ஹங்கேரி மற்றும் போலந்து ஆகிய நாடுகள் ஐரோப்பிய ஒன்றியத்திலிருந்து வெளியேறி, அமெரிக்காவின் நிழலில் சுயாட்சியுடன் செயல்பட வேண்டும் என அமெரிக்க தேசிய பாதுகாப்பு செயலகம் (NSS) வலியுறுத்தியுள்ளது.
இந்த ஆவணம், கடந்த வாரம் பொதுவெளியில் வெளியான ஒரு வரைவு அறிக்கையின் விரிவான பதிப்பாக இருப்பதாகத் தெரிகிறது. அதில், ஐரோப்பிய தலைவர்களின் கொள்கைகள், குறிப்பாக புலம்பெயர்ந்தோர் ஏற்பு மற்றும் தணிக்கைக் கொள்கைகள், கண்டத்தில் “நாகரிக அழிவை” ஏற்படுத்தும் என எச்சரிக்கை விடுக்கப்பட்டுள்ளது.
கசிந்த முழு ஆவணம், அமெரிக்கா தனது நட்பு நாடுகளை ஐரோப்பாவிலிருந்து வெளியேற அல்லது வெளியேற்றப்பட உதவ வேண்டும் என்று தெளிவாக கூறுகிறது. மேலும், இறையாண்மை, பாரம்பரிய ஐரோப்பிய வாழ்க்கை முறை, மற்றும் “மீட்பு இயக்கங்களை” ஆதரிக்கும் அரசுகளையும் இலக்காகக் கொள்ள வேண்டும் என்று அந்த ஆவணம் பரிந்துரைக்கிறது.
இந்த விவகாரம் ஐரோப்பிய ஒன்றியத்தில் குழப்பத்தை ஏற்படுத்தியுள்ளது. இருப்பினும், வெள்ளை மாளிகை, இந்த ஆவணத்தில் உள்ள கொள்கைகளிலிருந்து தற்போது விலக மறுத்துள்ளதாகத் தெரிவித்துள்ளது.
அதே நேரத்தில், ட்ரம்ப் ஐரோப்பிய ஒன்றிய கொள்கைகளை கடுமையாக விமர்சித்து வருகிறார். புலம்பெயர்ந்தோரை அதிக அளவில் ஏற்றுக்கொள்வதன் மூலம் ஐரோப்பிய தலைவர்கள் தங்கள் நாகரிகங்களையே அழித்து வருவதாக அவர் குற்றம் சாட்டியுள்ளார். ஜெர்மனி, பிரான்ஸ் மற்றும் பிரித்தானியாவின் தலைவர்களுடன் மிகச் சமீபத்தில் நடத்திய உரையாடலில், ட்ரம்ப் மிகக் கடுமையான சொற்களைப் பயன்படுத்தியதாகவும் தகவல்கள் தெரிவிக்கின்றன.
இந்த நகர்வு, அமெரிக்கா–ஐரோப்பா உறவுகளில் புதிய பிளவை உருவாக்கும் அபாயத்தை ஏற்படுத்தியுள்ளது.
GROUP 1
Listen Live
Visit Aha FM
