தமிழக அரசியல் களத்தில் திடீர் திருப்பம்: 2026 சட்டப்பேரவைத் தேர்தலில் திமுக கூட்டணியில் தேமுதிக இணைவு
இந்த கூட்டணி, 2026 சட்டப்பேரவைத் தேர்தலில் தமிழக அரசியல் களத்தில் புதிய பரபரப்பையும், எதிர்பார்ப்புகளையும் உருவாக்கியுள்ளது.
வரும் 2026 தமிழ்நாடு சட்டப்பேரவைத் தேர்தலில் திராவிட முன்னேற்றக் கழகம் (திமுக) தலைமையிலான கூட்டணியில் தேசிய முற்போக்கு திராவிடக் கழகம் (தேமுதிக) இணைந்து போட்டியிடும் என தேமுதிக பொதுச் செயலாளர் பிரேமலதா விஜயகாந்த் இன்று (பிப்ரவரி 19) செய்தியாளர்களிடம் அறிவித்துள்ளார்.
திமுக – தேமுதிக கூட்டணி உறுதி செய்யப்பட்டுள்ளதை எக்ஸ் தளத்தில் பதிவிட்டுள்ள தமிழக முதல்வர் மு.க. ஸ்டாலின், “‘கேப்டன்’ விஜயகாந்த் அவர்கள் உருவாக்கிய தேசிய முற்போக்கு திராவிடக் கழகம் இன்று மதச்சார்பற்ற முற்போக்குக் கூட்டணியில் இணைந்திருப்பது பெருமகிழ்ச்சி அளிக்கிறது” என தெரிவித்துள்ளார்.
கடந்த நாடாளுமன்றத் தேர்தலில் அதிமுக கூட்டணியில் இடம்பெற்றிருந்த தேமுதிக, எதிர்வரும் 2026 சட்டமன்றத் தேர்தலில் யாருடன் கூட்டணி அமைக்கும் என்பதை இதுவரை வெளிப்படையாக அறிவிக்காமல் இருந்தது. இதனால் அரசியல் வட்டாரங்களில் பல்வேறு ஊகங்களும் விவாதங்களும் எழுந்த நிலையில், இன்று திமுகவுடனான கூட்டணியை அதிகாரபூர்வமாக உறுதி செய்துள்ளது.
இதனையடுத்து, தேமுதிக பொதுச் செயலாளர் பிரேமலதா விஜயகாந்த், தேமுதிக பொருளாளர் எல்.கே. சுதீஷுடன் இணைந்து சென்னை அண்ணா அறிவாலயத்தில் முதல்வர் மு.க. ஸ்டாலினை சந்தித்து ஆலோசனை நடத்தினார். இந்தச் சந்திப்பின் போது நாடாளுமன்ற உறுப்பினர் கனிமொழி மற்றும் தமிழ்நாட்டின் துணை முதல்வர் உதயநிதி ஸ்டாலின் ஆகியோரும் உடனிருந்தனர்.
இந்த கூட்டணி, 2026 சட்டப்பேரவைத் தேர்தலில் தமிழக அரசியல் களத்தில் புதிய பரபரப்பையும், எதிர்பார்ப்புகளையும் உருவாக்கியுள்ளது.
GROUP 1
Listen Live
Visit Aha FM
