இரண்டு குழந்தைகளுடன் மல்வத்து ஓயாவில் குதித்த தாய் – மீட்பு நடவடிக்கைகள் தீவிரம்
மொரட்டுவையைச் சேர்ந்த இந்த பெண், தனது 4 வயது மற்றும் 8 வயது குழந்தைகளுடன் ஓயாவில் குதித்ததாக பொலிஸார் தெரிவித்துள்ளனர்.
அனுராதபுரத்தில் குடும்ப தகராறு காரணமாக உயிரை மாய்த்துக்கொள்ள முயன்ற 40 வயது பெண், தனது இரண்டு குழந்தைகளுடன் மல்வத்து ஓயாவில் குதித்த சம்பவம் பெரும் அதிர்ச்சியை ஏற்படுத்தியுள்ளது.
சம்பவம் செவ்வாய்க்கிழமை (டிசம்பர் 2), அனுராதபுரம் நகரத்திற்கு அருகிலுள்ள மல்வத்து ஓயாவில் நடந்தது.
மொரட்டுவையைச் சேர்ந்த இந்த பெண், தனது 4 வயது மற்றும் 8 வயது குழந்தைகளுடன் ஓயாவில் குதித்ததாக பொலிஸார் தெரிவித்துள்ளனர்.
குறித்த பெண்ணின் கணவர் வெளிநாட்டில் பணிபுரிவதாகவும், குடும்பத்தில் ஏற்பட்ட தொடர் மன அழுத்தம் மற்றும் தகராறுகள் காரணமாக இந்த முடிவுக்கு வந்ததாக தகவல்கள் வெளியாகியுள்ளன.
சம்பவ இடத்தில் அருகே நின்றிருந்த ஒருவர், பெண்ணின் அலறல் சத்தத்தைக் கேட்டு உடனடியாக உள்ளூர்வாசிகளின் உதவியுடன் அவரை மீட்டுள்ளார். உயிர்காப்பாளர் குழுவின் ஆதரவுடன், அவர் அனுராதபுரம் போதனா வைத்தியசாலையில் அனுமதிக்கப்பட்டு சிகிச்சை பெற்று வருகிறார்.
நிலைமை கவலைக்குரியதாக இருந்தாலும், அவர் உயிருடன் மீட்கப்பட்டுள்ளார். ஆனால், அவரது இரண்டு குழந்தைகளையும் கண்டுபிடிக்க முடியவில்லை.
அனுராதபுரம் பொலிஸ் நிலையத்தின் உயிர்காப்பாளர் பிரிவு, நீர்மூழ்கிகள் மற்றும் உள்ளூர்வாசிகளின் உதவியுடன் தீவிரமான தேடுதல் நடவடிக்கைகளை மேற்கொண்டு வருகிறது.
GROUP 1
Listen Live
Visit Aha FM
