"புதின் அழிந்து போகட்டும்": கிறிஸ்துமஸ் வீடியோவில் உக்ரைன் ஜனாதிபதி ஜெலன்ஸ்கி வெளியிட்ட கடும் சாபம்

கிறிஸ்துமஸ் கொண்டாட்டங்களுக்கு மத்தியில் உக்ரைன் அதிபர் வொலோடிமிர் ஜெலன்ஸ்கி ஒரு காணொளியை வெளியிட்டு, உலகம் முழுவதும் பரபரப்பை ஏற்படுத்தியுள்ளார்.

"புதின் அழிந்து போகட்டும்": கிறிஸ்துமஸ் வீடியோவில் உக்ரைன் ஜனாதிபதி ஜெலன்ஸ்கி வெளியிட்ட கடும் சாபம்
ADVERTISEMENT
ADVERTISEMENT

ரஷியா–உக்ரைன் இடையே மூன்று ஆண்டுகளுக்கும் மேலாக நீடிக்கும் போர் முடிவுக்கு வரும் என்ற எதிர்பார்ப்பு அண்மையில் வலுப்பெற்றுள்ளது. முன்னாள் அமெரிக்க ஜனாதிபதி டொனால்ட் டிரம்ப், இந்த மோதலை முடிவுக்குக் கொண்டு வர தீவிரமாக முயற்சித்து வருகிறார்.

அந்த வகையில், அமெரிக்கா தயாரித்த 20 அம்சங்கள் கொண்ட அமைதி ஒப்பந்தத் திட்டத்தில் உக்ரைன் பெரும்பாலான புள்ளிகளை ஏற்றுக்கொண்டது. இது, போர் விரைவில் முடிவுக்கு வரக்கூடும் என்ற நம்பிக்கையை ஏற்படுத்தியுள்ளது.

ADVERTISEMENT
ADVERTISEMENT

இந்நிலையில், கிறிஸ்துமஸ் கொண்டாட்டங்களுக்கு மத்தியில் உக்ரைன் அதிபர் வொலோடிமிர் ஜெலன்ஸ்கி ஒரு காணொளியை வெளியிட்டு, உலகம் முழுவதும் பரபரப்பை ஏற்படுத்தியுள்ளார். அந்த வீடியோவில் அவர் கூறியதாவது:

"ரஷியா தொடர்ந்து தாக்குதல்களை நடத்தினாலும், எங்கள் முக்கியமான இடங்களை ஆக்கிரமிக்கவோ, குண்டு வீசவோ முடியாது. ஏனெனில் உக்ரைன் மக்களின் இதயமும், நம்பிக்கையும், ஒற்றுமையும்தான் எங்கள் உண்மையான கோட்டை. இன்று நம் அனைவருக்கும் ஒரே கனவும், ஒரே வேண்டுதலும் உள்ளது: அவர் (புதின்) அழிந்து போகட்டும்!

ஆனால், அதைவிட பெரிய ஒன்றை நாம் கடவுளிடம் கேட்கிறோம் – உக்ரைனில் அமைதி நிலவ வேண்டும். அந்த அமைதிக்காகத்தான் நாங்கள் இன்றும் போராடிக் கொண்டிருக்கிறோம்."

ADVERTISEMENT
ADVERTISEMENT

ஜெலன்ஸ்கியின் இந்த கடுமையான வார்த்தைகள், ரஷிய அதிபர் விளாடிமிர் புதின் மீது நேரடியான சாபமாகவும், உக்ரைனிய மக்களின் உறுதியான எதிர்ப்பின் சின்னமாகவும் கருதப்படுகின்றன.

கிறிஸ்துவ சமாதான நாளில் வெளியிடப்பட்ட இந்த செய்தி, உக்ரைன் மக்களின் அமைதிக்கான ஆவலையும், போர் அழிவுகளை முடிவுக்குக் கொண்டுவரும் தீவிர விருப்பத்தையும் வலியுறுத்துகிறது.

எங்களின் சமீபத்திய செய்திகள், நிகழ்நேர முக்கிய செய்திகள் உடனுக்குடன் தெரிந்துகொள்ளுங்கள்.

Add as Preferred Source News on WhatsApp YouTube
ADVERTISEMENT
ADVERTISEMENT