ஜனாதிபதி தேர்தல்; போலி தகவல்களை கையாள பொலிஸாருக்கு வழிகாட்டல்
சமூக ஊடகங்களில் தேர்தல் தொடர்பான புகார்கள் மீது நடவடிக்கை எடுப்பதற்கான புதிய வழிகாட்டுதல்களைப் பின்பற்றுமாறு அனைத்து பொலிஸ் நிலையங்களுக்கும் பொலிஸ் தலைமையகம் உத்தரவிட்டுள்ளது,
நாட்டில் ஜனாதிபதித் தேர்தல், இம்மாதம் 21ஆம் திகதி நடைபெறவுள்ளது.
இந்நிலையில், தேர்தல் பிரசார நடவடிக்கைகள் மற்றும் வேட்பாளர்களை குறிவைத்து சமூக ஊடகங்களில் விமர்சனங்கள் முன்வைக்கப்படுகின்றன.
அத்துடன், நடைபெற்று வரும் தபால் மூல வாக்களிப்பு முடிவுகளை சமூக ஊடகங்களைப் பயன்படுத்தி சிலர் போலியாகத் தெரிவிப்பதான முறைப்பாடுகளும் தேர்தல்கள் ஆணைக்குழுவுக்கு கிடைக்கப்பெற்றுள்ளது.
எனவே, இவ்வாறான போலி செய்திகளை கையாளும் வழிகாட்டுதல்கள் பொலிஸாருக்கு வழக்கப்படுவதாக, பொலிஸ் தலைமையகம் தெரிவித்தது.
சமூக ஊடகங்களில் தேர்தல் தொடர்பான புகார்கள் மீது நடவடிக்கை எடுப்பதற்கான புதிய வழிகாட்டுதல்களைப் பின்பற்றுமாறு அனைத்து பொலிஸ் நிலையங்களுக்கும் பொலிஸ் தலைமையகம் உத்தரவிட்டுள்ளது,
இதில் சிக்கல் நிறைந்த இடுகைகளை அகற்றுதல் மற்றும் மீறல்களைக் கையாளுதல் ஆகியனவும் அடங்கும்.
சட்டவிரோத தேர்தல் பிரசாரங்களை நிவர்த்தி செய்வது மற்றும் சிஐடியின் கணினி குற்றப் புலனாய்வுப் பிரிவு மற்றும் பிரதேச பொலிஸ் தொழில்நுட்பப் பிரிவுகளுடன் ஒருங்கிணைத்தல் தொடர்பான நடைமுறைகளை விவரிக்கும் விசேட சுற்றறிக்கையை பொலிஸ் தலைமையகம் வெளியிட்டுள்ளது.
இந்த வழிகாட்டுதல்கள் தடைசெய்யப்பட்ட தேர்தல் பிரசார உள்ளடக்கம் மற்றும் குற்றவாளிகளை அடையாளம் காண்பதற்கான வழிமுறைகளை உள்ளடக்கியதாக பொலிஸ் அதிகாரி ஒருவர் தெரிவித்தார்.
தேர்தல் காலத்தில் சமூக ஊடகப் பிரச்சினைகளை எவ்வாறு கையாள்வது, பதவி நீக்கம் மற்றும் மீறுபவர்களுக்கு எதிரான சட்ட நடவடிக்கை உட்பட அனைத்து நிலையங்களுக்கும் விளக்கமளிக்கப்பட்டுள்ளதாக அவர் மேலும் கூறினார்.
GROUP 1
Listen Live
Visit Aha FM
