நகை வாங்க ஆசைப்படுகிறீர்களா? இவற்றில் எது சிறந்தது?
தங்க நகை: தங்கத்திலயே நிறைய கோல்டு வகைகள் உள்ளன. கோல்டின் கலர் பொருத்து, அதன் காரட் மதிப்பும் மாறுகிறது. மஞ்சள் கோல்டு முதல் ரோஸ் கோல்டு வரை ஏகப்பட்ட வகைகள் உள்ளன.
தங்க நகை: நகை வாங்க வேண்டும் என்றால் பெரும்பாலானவர்களுக்கு எந்த மாதிரியான உலோகத்தை தேர்ந்தெடுப்பது என்பது பெரும் சிக்கலாக இருக்கும்.
தங்கத்திலயே நிறைய கோல்டு வகைகள் உள்ளன. கோல்டின் கலர் பொருத்து, அதன் காரட் மதிப்பும் மாறுகிறது. மஞ்சள் கோல்டு முதல் ரோஸ் கோல்டு வரை ஏகப்பட்ட வகைகள் உள்ளன.
இதைத் தவிர பிளாட்டினம், பல்லேடியம் போன்ற உலோகங்களும் இதில் இருக்கிறது. இந்த உலோகங்கள் ஒவ்வொன்றும் தனித்தன்மை வாய்ந்தது.
திருமண நகைகள், திருமண மோதிரங்கள், நிச்சயதார்த்த மோதிரங்கள் என உங்களின் விருப்பத்திற்கிணங்க உலோகங்களை தேர்ந்தெடுக்க வேண்டும்.
எனவே இனி நீங்கள் நகை வாங்க செல்கிறீர்கள் என்றால் எந்த மாதிரியான உலோகங்கள் உங்களுக்கு பொருத்தமாக இருக்கும் என்பதை பற்றி இக்கட்டுரையில் நாம் காண்போம்.
தங்கத்தின் நிறம் மற்றும் காரட்டின் மதிப்பு:
பழங்காலத்தில் இருந்தே மக்கள் அதிகமாக தங்க நகைகளைத் தான் விரும்புகிறார்கள். தங்கம் பார்ப்பதற்கு பளபளப்பாகவும், நல்ல மெருகேற்றமாகவும் இருக்கும். தங்கத்தின் நிறம் மிகவும் தூய்மையானது.
விலைமதிப்பான உலோகங்களில் தங்கமும் ஒன்று. தங்கத்தின் தூய்மையை கண்டறிய காரட் என்ற அளவீட்டை பயன்படுத்துகின்றனர். 100% தூய்மையான தங்கம் 24 காரட் ஆகும். 14 K என்பது 14/24 காரட் =58.5% தங்கம், 18 K என்பது 18/24 காரட் =75% தங்கத்தை குறிக்கிறது.
24 காரட் தங்கம் உண்மையில் மிகவும் தூய்மையானது. எனவே இந்த தங்கம் இயற்கையான தேய்மானத்தை தாங்காது. எனவே இந்த தூய்மையான தங்கத்தை அப்படியே அணிகலனாக செய்ய இயலாது. எனவே இதை வலுப்படுத்த மற்ற உலோகங்களுடன் சேர்த்து ஒரு கலவையை உருவாக்குவார்கள். இதனால் தங்கத்தின் நிறமானது சற்று மாறுகிறது.
அதிக காரட் எண்ணைக் கொண்ட உலோகம் அதிக தங்கத்தைக் கொண்டுள்ளன. அதாவது அந்த தங்கத்தின் நிறம் மஞ்சள் நிறமாகவே இருக்கும். இயற்கையான நிறத்திற்கு சற்று நெருக்கமாக இருக்கும். எனவே காரட் எண் அதிகமாக கொண்ட தங்கத்தை வாங்குங்கள்.
மஞ்சள் தங்கம் பொதுவாக செம்பு, வெள்ளி மற்றும் துத்தநாகத்துடன் கலந்து நகைகள் செய்ய பயன்படுத்தப்படுகிறது. மஞ்சள் தங்க நகைகள் என்றால் அரோரா டைமண்ட் கம்மல், சிறிய ஹீலியோஸ் வளையங்கள் மற்றும் பொரியாலிஸ் நெக்லஸ் போன்ற மஞ்சள் கோல்டு வகைகளை வாங்கி நீங்கள் அணியலாம்.
ரோஸ் கோல்டு
ரோஸ் கோல்டு என்பவை மஞ்சள் கோல்டிற்கு ஒத்த தங்கத்தை கொண்டவை ஆகும். இந்த ரோஸ் கோல்டில் வெள்ளி மற்றும் துத்தநாகத்தை விட தாமிரம் அதிகளவு சேர்க்கப்படுகிறது. தாமிரம் அதிகளவில் சேர்க்கப்படுவதால் இது ரோஸ் கோல்டு நிறத்தை பெறுகிறது. ரோஸ் கோல்டு நகைகள் பார்ப்பதற்கு பீச் நிறத்தில் காணப்படும். எனவே நீங்கள் ரோஸ் கோல்டில் நகைகள் வாங்க விருப்பப்பட்டால் ரோஸ் கோல்ட் விஸ்போன் ஸ்டட்கள் , ரோஸ் கோல்ட் லூசியா ஸ்டட்கள் மற்றும் மைக்ரோ ஃபிராக்மென்ட் டைமண்ட் ஸ்டட்கள் போன்றவற்றை வாங்கி மகிழலாம்.
வொயிட் கோல்டு
வொயிட் கோல்டு மிகவும் வித்தியாசமானது. நீங்கள் வொயிட் கோல்டு நகைகளை தேர்ந்தெடுக்கும் போது நிறைய யோசிக்க வேண்டியிருக்கும். ஏனெனில் வொயிட் கோல்டு சிலருக்கு ஒத்து வராது. அதனால் அழற்சி உண்டாக வாய்ப்புள்ளது. மேலும் பராமரிப்பதும் கடினமாக இருக்கும்.
நிக்கல் வொயிட் கோல்டு
பாரம்பரிய தங்கத்தை வெள்ளை நிறத்திற்கு மாற்ற அதில் நிறையளவு நிக்கல் சேர்க்கப்படுகிறது. தங்கத்தில் இருந்து மஞ்சள் நிறத்தை அகற்றி வெள்ளை நிறமாக மாற்ற இந்த நிக்கல் கலவைகள் உதவுகின்றன. நிக்கல் இங்கு ஒரு ப்ளீச்சிங் ஏஜெண்ட்டாக செயல்படுகிறது.
இந்த வொயிட் கோல்டின் மேற்புறம் ரோடியம் முலாம் பூசப்படுகிறது. இந்த ரோடியம் முலாம் காலப்போக்கில் தேய்ந்து போகக் கூடும். 1-2 வருடங்களுக்கு பிறகு மீண்டும் இந்த ரோடியம் முலாம் பூசப்பட வேண்டியிருக்கும். இந்த ரோடியம் முலாம் சிலருக்கு ஒவ்வாமையை ஏற்படுத்த வாய்ப்பு உள்ளது. வொயிட் டைமண்ட் அரோரா நெக்லஸ் போன்றவற்றை வாங்கி மகிழலாம்.
பல்லேடியம் வொயிட் கோல்டு
இதில் தங்கத்தில் உள்ள மஞ்சள் நிறத்தை அகற்ற பல்லேடியம் ப்ளீச்சிங் முகவராக செயல்படுகிறது. இதில் நிக்கலுக்கு பதிலாக பல்லேடியம் பயன்படுத்துவது ஹைபோஅலர்கெனிக் என்று அழைக்கப்படுகிறது. இதிலும் ரோடியம் முலாம் பூசப்படுகிறது.
பல்லேடியம்
பல்லேடியம் தங்கத்தை விட மிகவும் அரிதானது. இது பிளாட்டினம் குழுவில் உள்ள உலோகமாகும். இயற்கையான நிறத்தில் சாம்பல் வெள்ளை உலோகமாக இருக்கும். பிளாட்டினத்தை விட அடர்ந்த நிறத்தில் காணப்படுகிறது. பல்லேடியம் நகை உற்பத்திக்கு மிகவும் சிறந்தது. இவை வொயிட் கோல்டை விட நீடித்து உழைக்கக் கூடியது.
பல்லேடியம் நகைகளுக்கு குறைந்த பராமரிப்பு இருந்தால் போதும். இயற்கையாகவே வொயிட் நிறத்தில் இருப்பதால் ரோடியம் முலாம் தேவையில்லை. மேலும் பல்லேடியம் லேசான உலோகம் ஆகும். எனவே லேசான நகைகளை அணிய விரும்புபவர்கள் பல்லேடியம் நகைகளை தேர்ந்தெடுக்கலாம்.
இன்றைய காலத்தில் பல்லேடியம் நகைகளின் விலை கிடு கிடுவென உயர்ந்து வருகிறது. தற்போது பல்லேடியம் நகை மதிப்பு பிளாட்டின நகையின் மதிப்பிற்கு போட்டியாக உள்ளது. இதன் தூய்மை, ஹைபோஅலர்கெனிக் தரம் மற்றும் குறைந்த பராமரிப்பு இவற்றால் வொயிட் கோல்டை விட பல்லேடியம் நகைகளை நீங்கள் தேர்ந்தெடுக்கலாம்.
பிளாட்டினம்
இயற்கையாகவே சாம்பல் கலந்த வெள்ளை நிறத்தில் இருக்கும் ஒரு அரிய விலைமதிப்பான உலோகம் தான் பிளாட்டினமாகும். பல்லேடியத்தைப் போலவே, பிளாட்டினமும் ஹைபோஅலர்கெனிக் மற்றும் ரோடியம் முலாம் இதற்கும் தேவையில்லை. நகைகளில் கற்களை பதித்து அழகூட்ட பிளாட்டினம் சிறந்தது. பிளாட்டினம் மிகவும் அடர்த்தியானது. எனவே பெரிய வைரக்கற்களை பதிப்பதற்கு பிளாட்டினம் உதவுகிறது. காலப்போக்கில் பிளாட்டினம் நகைகளை மெருகூட்டி மீண்டும் பயன்படுத்தலாம்.
GROUP 1
Listen Live
Visit Aha FM
