'தீர்வு வழங்காவிட்டால் ‘சிக் லீவ்’ தொடர்ச்சியான வேலைநிறுத்தமாக மாறும்'

200 பொதுத்துறை தொழிற்சங்கங்கள் இணைந்து முன்னெடுத்துள்ள ‘சிக் லீவ்’ போராட்டம் தொடர்ந்து இரண்டாவது நாளாக இன்றும் தொடர்கிறது.

'தீர்வு வழங்காவிட்டால் ‘சிக் லீவ்’ தொடர்ச்சியான வேலைநிறுத்தமாக மாறும்'
ADVERTISEMENT
ADVERTISEMENT

இன்றையதினம் தமது கோரிக்கைகளுக்கு அதிகாரிகள் தீர்வுகாணத் தவறினால் நாளை (ஜூலை 10) கொழும்பில் கூடி எதிர்கால நடவடிக்கை குறித்து தீர்மானிக்கவுள்ளதாக அரச சேவை தொழிற்சங்கங்கள் எச்சரித்துள்ளன.

இரண்டு நாள் போராட்டத்தை தொடர்ந்து கைவிடத் தயாரில்லை என்றும், தொழிற்சங்க நடவடிக்கையை தொடர்ச்சியான வேலைநிறுத்தமாக மாற்ற ஒப்புக்கொண்டதாகவும் தொழிற்சங்கங்கள் தெரிவிக்கின்றன.

ADVERTISEMENT
ADVERTISEMENT

200 பொதுத்துறை தொழிற்சங்கங்கள் இணைந்து முன்னெடுத்துள்ள ‘சிக் லீவ்’ போராட்டம் தொடர்ந்து இரண்டாவது நாளாக இன்றும் தொடர்கிறது.

தபால், கிராம உத்தியோகத்தர்கள், நில அளவையாளர்கள், சமுர்த்தி, மாவட்ட மற்றும் பிரதேச செயலாளர்கள் மற்றும் கல்வி உத்தியோகத்தர்கள் ஆகிய தொழிற்சங்கங்களின் பங்குபற்றுதலுடன் இரண்டு நாள் தொழிற்சங்க நடவடிக்கை நேற்று ஆரம்பிக்கப்பட்டது.

பணிப்பகிஷ்கரிப்பின் காரணமாக பெரும்பாலான அரச அலுவலகங்கள் காலியாக உள்ளதாகவும், அனைத்து நிறைவேற்று அதிகாரமற்ற மட்ட சேவைகளும் இன்று கடமைகளுக்கு சமூகமளிக்காததால் பொதுமக்கள் கடும் சிரமத்திற்கு உள்ளாகியுள்ளதாக தெரிவிக்கப்படுகின்றது.

ADVERTISEMENT
ADVERTISEMENT

அனைத்துப் பாடசாலைகளின் ஆசிரியர்களும் அதிபர்களும் தொழிற்சங்க நடவடிக்கையில் ஈடுபட்டு இன்று சுகயீன விடுமுறையை அறிவித்து உள்ளதாக இலங்கை ஆசிரியர் சங்கத்தின் பொதுச் செயலாளர் ஜோசப் ஸ்டாலின் தெரிவித்தார்.

எவ்வாறாயினும், க.பொ.த சாதாரண தரப் பரீட்சையின் நடைமுறைப் பரீட்சைகளை தொடர்ந்தும் மேற்கொண்டு வருவதாக அவர் மேலும் தெரிவித்தார்.

இதற்கிடையில், தபால் ஊழியர்கள் சுகயீன விடுமுறையை அறிவித்துள்ள நிலையில், நிர்வாக தரம் மற்றும் நிர்வாக அதிகாரிகள் மட்டுமே கடமைக்கு அறிக்கை செய்துள்ளதால், இதன் விளைவாக மத்திய அஞ்சல் பரிமாற்றம் மற்றும் பல பிரதான தபால் நிலையங்கள் மூடப்பட்டுள்ளன.

இதேவேளை, இன்றைய தினம் அரச நிறுவனங்களின் சேவைகளை பெற்றுக்கொள்ள வரவேண்டாம் என பணிப்புறக்கணிப்பில் ஈடுபட்டுள்ள தொழிற்சங்கங்கள் பொதுமக்களிடம் கோரிக்கை விடுத்துள்ளன.

எங்களின் சமீபத்திய செய்திகள், நிகழ்நேர முக்கிய செய்திகள் உடனுக்குடன் தெரிந்துகொள்ளுங்கள்.

Add as Preferred Source News on WhatsApp YouTube
ADVERTISEMENT
ADVERTISEMENT