வேட்புமனுக்கள் ஏற்கப்படும் நாளில் கொழும்பில் சிறப்பு பாதுகாப்பு

எதிர்வரும் 15ஆம் திகதி ஜனாதிபதி வேட்பாளர்களின் வேட்புமனுக்கள் ஏற்றுக்கொள்ளப்படும் இராஜகிரியவில் உள்ள தேர்தல்கள் ஆணைக்குழு அலுவலகம் மற்றும் அதனைச் சூழவுள்ள பகுதிகளுக்கு விசேட பொலிஸ் பாதுகாப்பை வழங்க தீர்மானிக்கப்பட்டுள்ளது.

அதன்படி, ஏறக்குறைய ஐயாயிரம் பொலிஸ் அதிகாரிகளை பணியில் ஈடுபடுத்த திட்டமிடப்பட்டுள்ளதாக தகவல் வெளியாகி உள்ளது.

அன்றைய தினம் தேர்தல் அலுவலகத்தின் பாதுகாப்பிற்காக விசேட போக்குவரத்து திட்டமொன்றும் அமுல்படுத்தப்பட்டுள்ளதாக ஆணைக்குழுவின் தலைவர் ஆர்.எம்.ஏ.எல். ரத்நாயக்க தெரிவித்தார்.

கடந்த 9ஆம் திகதி தேர்தல்கள் ஆணைக்குழுவில் இடம்பெற்ற வேட்புமனுத் தின பாதுகாப்புத் திட்டம் தொடர்பான கலந்துரையாடலின் போதே இந்த முன்மொழிவுகள் முன்வைக்கப்பட்டுள்ளன.

ஆணைக்குழு வளாகத்திற்கு வரும் வாகனங்களுக்கு ஏ, பி, சி ஆகிய 3 உரிமங்கள் வழங்கப்படும், மேலும் அந்த உரிமத்தை வேட்பாளர் பெறுவார்.

அந்த உரிமத்தின் மூலம், வேட்பாளர் மட்டுமே தனது சொந்த வாகனத்தில் தேர்தல் அலுவலகத்திற்கு வர வாய்ப்பு உள்ளது.

வேட்பு மனுவில் கையொப்பமிட்ட மேலும் இருவர் மட்டுமே வேட்பாளருடன் நுழைய முடியும்.

15ஆம் திகதி காலை 9.00 மணி முதல் 11.00 மணி வரை வேட்புமனுக்கள் ஏற்கப்படும் என்றும் ஆட்சேபனைகளுக்கு 30 நிமிடங்கள் ஒதுக்கப்பட்டுள்ளது.

இதுவரை 27 வேட்பாளர்கள் வைப்புத் தொகையை செலுத்தி உள்ளதாகவும், வரும் 14ம் திகதி நண்பகல் 12.30 மணி வரை வைப்புத்தொகையை செலுத்தலாம் என தெரிவிக்கப்பட்டுள்ளது. (News21)