மகாவலி கங்கையில் வெள்ள அபாய எச்சரிக்கை நீடிப்பு: பொதுமக்களுக்கு எச்சரிக்கை
கின்னியா, மூதூர், கந்தளாய், சேருவில, வெலிக்கந்தை, லங்காபுர, தமன்கடுவை, திம்புலாகலை உள்ளிட்ட பிரதேச செயலகங்களின் தாழ்நிலப் பகுதிகளில் வசிக்கும் மக்கள் மிகுந்த எச்சரிக்கையுடன் இருக்க வேண்டும் என நீர்ப்பாசனத் திணைக்களம் அறிவுறுத்தியுள்ளது.
மகாவலி கங்கையின் வடிநில பகுதிகளுக்கு விடுக்கப்பட்ட வெள்ள அபாய எச்சரிக்கை எதிர்வரும் 24 மணித்தியாலங்களுக்கு நீடிக்கப்பட்டுள்ளது என நீர்ப்பாசனத் திணைக்களம் அறிவித்துள்ளது. இதன் படி, இந்த வெள்ள அபாய எச்சரிக்கை இன்று சனிக்கிழமை (20) மாலை 5.30 மணி வரை அமலில் இருக்கும்.
சமீபத்தில் கங்கை நீர்ப்பாதைகளில் பெய்த மழை மற்றும் மேல்பிரதேசங்களில் உள்ள நீர்த்தேக்கங்களிலிருந்து நீர் திறந்து விடப்பட்டதன் காரணமாக சில தாழ்நிலப் பகுதிகளில் சிறிய அளவிலான வெள்ள அபாயம் ஏற்படக்கூடும் என கடந்த 18-ஆம் தேதி முன் எச்சரிக்கை விடுக்கப்பட்டிருந்தது.
கின்னியா, மூதூர், கந்தளாய், சேருவில, வெலிக்கந்தை, லங்காபுர, தமன்கடுவை, திம்புலாகலை உள்ளிட்ட பிரதேச செயலகங்களின் தாழ்நிலப் பகுதிகளில் வசிக்கும் மக்கள் மிகுந்த எச்சரிக்கையுடன் இருக்க வேண்டும் என நீர்ப்பாசனத் திணைக்களம் அறிவுறுத்தியுள்ளது.
மேலும், மட்டக்களப்பில் பொலன்னறுவை வீதி, கல்லேல்ல பகுதி மற்றும் சோமாவதி ரஜமகா விகாரைக்கான பிரவேச வீதிகளையும் சுற்றியுள்ள பகுதிகள் வெள்ளத்தில் மூழ்கும் அபாயம் உள்ளதாகத் தெரிவிக்கப்பட்டுள்ளது. அத்துடன், அடுத்த சில நாட்களில் சோமாவதி ரஜமகா விகாரைக்கு செல்லும் பக்தர்கள் மற்றும் மகாவலி கங்கைக்கு அருகிலுள்ள பகுதிகளில் வசிக்கும் பொதுமக்கள், வெள்ள நிலைமையால் ஏற்படக்கூடிய அபாயங்களில் இருந்து பாதுகாப்பாக இருக்க எச்சரிக்கையுடன் இருக்க வேண்டும் என திணைக்களம் கோரிக்கை விடுத்துள்ளது.
நீர்ப்பாசனத் திணைக்களம், மக்களிடம் தேவையான முன்னெச்சரிக்கை நடவடிக்கைகளை மேற்கொள்ளுமாறு வலியுறுத்தி, பாதுகாப்பு மற்றும் அத்தியாவசிய உதவிகளை முன்கூட்டியே ஏற்படுத்தி வைக்குமாறு அறிவுறுத்தியுள்ளது.
GROUP 1
Listen Live
Visit Aha FM
