செர்பியாவில் அரசுக்கு எதிராக மாணவர்கள் போராட்டம்: ஊழல் குற்றச்சாட்டால் ஆயிரக்கணக்கானோர் பேரணி
செர்பியா நாட்டில் அரசின் மீது எழுந்துள்ள ஊழல் குற்றச்சாட்டுகளை கண்டித்து, ஆயிரக்கணக்கான மாணவர்கள் தொடர் போராட்டங்களில் ஈடுபட்டு வருகின்றனர்.
செர்பியா நாட்டில் அரசின் மீது எழுந்துள்ள ஊழல் குற்றச்சாட்டுகளை கண்டித்து, ஆயிரக்கணக்கான மாணவர்கள் தொடர் போராட்டங்களில் ஈடுபட்டு வருகின்றனர். தற்போதைய ஜனாதிபதி Aleksandar Vučić தலைமையிலான அரசில் பெரிய அளவில் ஊழல்கள் நடைபெற்று வருவதாக குற்றம் சாட்டி, மாணவர் அமைப்புகள் தீவிர எதிர்ப்பை வெளிப்படுத்தி வருகின்றன.
இந்த போராட்டத்தின் ஒரு பகுதியாக, மாணவர்கள் புதிதாக தேர்தல் நடத்த வேண்டும் என வலியுறுத்தியுள்ளனர். அதோடு, அரசில் ஊழலில் ஈடுபட்ட அதிகாரிகளை பதவியில் இருந்து நீக்க வேண்டும் என்றும், அவர்களின் சொத்துக்கள் குறித்து முழுமையான விசாரணை நடத்த வேண்டும் என்றும் கோரிக்கை விடுத்துள்ளனர். அரச நிர்வாகத்தில் வெளிப்படைத்தன்மை மற்றும் பொறுப்புணர்வு இல்லை என அவர்கள் குற்றம் சாட்டுகின்றனர்.
மாணவர்கள் தெரிவித்த தகவலின்படி, பொதுத் தேர்தலை நடத்த வலியுறுத்தும் நோக்கில், கடந்த மாதம் பொதுமக்களிடமிருந்து சுமார் 4 லட்சம் கையெழுத்துகள் சேகரிக்கப்பட்டுள்ளன. இது அரசுக்கு எதிரான மக்களின் ஆதரவு அதிகரித்து வருவதை காட்டுவதாக மாணவர் தலைவர்கள் கூறியுள்ளனர்.
இந்த போராட்டங்கள் தற்போது Novi Sad உள்ளிட்ட பல நகரங்களில் பரவி வரும் நிலையில், அரசுக்கு எதிரான அடுத்த பெரிய பேரணி வருகிற 27ஆம் தேதி Belgrade நகரில் நடைபெறும் என்றும் மாணவர்கள் அறிவித்துள்ளனர். இந்த பேரணியில் நாடு முழுவதும் இருந்து ஆயிரக்கணக்கானோர் பங்கேற்பார்கள் என எதிர்பார்க்கப்படுகிறது.
அரசு தரப்பில் இருந்து இதுவரை இந்த கோரிக்கைகள் குறித்து தெளிவான பதில் எதுவும் அளிக்கப்படவில்லை. இருப்பினும், மாணவர்களின் போராட்டம் செர்பியாவின் அரசியல் சூழலில் பெரும் அதிர்வலைகளை ஏற்படுத்தி வருகிறது.
GROUP 1
Listen Live
Visit Aha FM
