ஐபிஎல் 2026 ஏலப் பட்டியலில் இடம் பெற்ற 12 இலங்கை கிரிக்கெட் வீரர்கள்
இந்தப் பட்டியலில் வனிந்து ஹசரங்க, மதீஷா பதிரான மற்றும் மகீஷ் தீக்சான ஆகியோர் ₹2 கோடி என்ற அதிகபட்ச அடிப்படை விலையில் இடம்பெற்றுள்ளனர்.
இந்திய கிரிக்கெட் கட்டுப்பாட்டு வாரியம் (BCCI) வெளியிட்டுள்ள இறுதி வீரர் பட்டியலின்படி, IPL 2026 ஏலத்திற்கான பட்டியலில் 12 இலங்கை வீரர்கள் இடம்பெற்றுள்ளனர்.
இந்த ஏலம் டிசம்பர் 16, 2025 அன்று அபுதாபியில் உள்ள எத்திகாட் அரங்கில் நடைபெறவுள்ளது. ஏலம் உள்ளூர் நேரப்படி மதியம் 1 மணிக்கு (இந்திய நேரப்படி மாலை 2:30 மணி) தொடங்கும்.
இந்தப் பட்டியலில் வனிந்து ஹசரங்க, மதீஷா பதிரான மற்றும் மகீஷ் தீக்சான ஆகியோர் ₹2 கோடி என்ற அதிகபட்ச அடிப்படை விலையில் இடம்பெற்றுள்ளனர்.
அனுபவம் வாய்ந்த சர்வதேச வீரர்களான பதும் நிசாங்க, குசல் மெண்டிஸ் மற்றும் முன்னாள் கேப்டன் தசுன் ஷாணக்க ஆகியோரும் ஏலத்திற்கு பதிவு செய்யப்பட்டுள்ளனர்.
இளம் தலைமுறை வீரர்களான சரித் அசலங்க, துனித் வெல்லாலகே மற்றும் வியாஸ்காந்த் விஜயகாந்த் ஆகியோரும் இந்தப் பட்டியலில் இடம்பெற்றுள்ளனர்.
இதனுடன், குசல் பெரேரா, டிரவீன் மத்தேவ் மற்றும் இடதுகை வேகப் பந்துவீச்சாளர் பினுர பெர்னாண்டோ ஆகிய மூவர் சேர்க்கப்பட்டதுடன், இலங்கை வீரர்கள் 12 பேர் உள்ளனர்.
IPL 2026 ஏலத்தில் பங்கேற்க மொத்தம் 1,355 வீரர்கள் பதிவு செய்துள்ளனர். இதிலிருந்து 10 அணிகளுக்கான 77 இடங்கள் மட்டுமே நிரப்பப்படவுள்ளன.
இந்த ஒருநாள் ஏல நிகழ்வு ஸ்டார் ஸ்போர்ட்ஸ் தொலைக்காட்சிகளில் ஒளிபரப்பாகும், ஜியோஹாட்ஸ்டார் தளத்தில் நேரலையில் காணலாம்.
GROUP 1
Listen Live
Visit Aha FM
