அதிகளவில் எரிபொருள் சேமிப்பு தொடர்ந்தால் QR குறியீட்டு முறை மீண்டும் அமல் – சிபெட்கோ எச்சரிக்கை
அவசியமற்ற வகையில் எரிபொருள் தட்டுப்பாட்டை உருவாக்கும் நோக்கில் அதிகளவில் எரிபொருளை சேமித்து, அதனை வியாபாரமாக மாற்ற முயற்சிகள் தொடர்ந்தால், மீண்டும் QR குறியீட்டு முறையை அமல்படுத்த வேண்டிய நிலை உருவாகும் என Ceylon Petroleum Corporation (சிபெட்கோ) எச்சரித்துள்ளது.
சிபெட்கோ நிறுவனத்தின் மேலாண்மை இயக்குநர் மயூர நெத்திகுமார இதனைத் தெரிவித்தார். அவர் கூறுகையில், நாட்டில் தற்போது எரிபொருள் விநியோகம் வழமையான முறையில் நடைபெற்று வருவதாகவும், எந்தவிதத் தடையும் இல்லை என்றும் குறிப்பிட்டார்.
இருப்பினும், தேவைக்கு அதிகமாக எரிபொருளை சேமித்து வைத்துக் கொண்டு, சந்தையில் செயற்கை பற்றாக்குறையை உருவாக்கும் முயற்சிகள் மேற்கொள்ளப்பட்டால், பொதுமக்களின் நலனை கருத்தில் கொண்டு, QR குறியீட்டு முறையை மீண்டும் அறிமுகப்படுத்த வேண்டிய கட்டாயம் ஏற்படும் என அவர் தெரிவித்தார்.
மேலும், பொதுமக்கள் தங்களின் தேவைக்கு ஏற்ப மட்டுமே எரிபொருளை பெற்றுக்கொள்ளுமாறு அவர் கேட்டுக்கொண்டார்.
