போதைப்பொருளுடன் தெஹிவளை பொலிஸ் SI கைது: ஹெரோய்ன், கஞ்சா, வெளிநாட்டு சிகரெட்டுகள் பறிமுதல்
தெஹிவளை பொலிஸ் நிலையத்தில் பணியாற்றி வந்த உப பொலிஸ் பரிசோதகர் (SI) ஒருவர், போதைப்பொருட்களுடன் கைது செய்யப்பட்டுள்ளார் என பொலிஸ் ஊடகப் பேச்சாளர், உதவி பொலிஸ் அத்தியட்சகர் எப்.யு. வுட்லர் தெரிவித்தார்.
பொலிஸாரால் மேற்கொள்ளப்பட்ட விசாரணையின் போது, குறித்த உப பொலிஸ் பரிசோதகரிடமிருந்து ஹெரோய்ன், கஞ்சா மற்றும் வெளிநாடுகளில் தயாரிக்கப்பட்ட சிகரெட்டுகள் கைப்பற்றப்பட்டதாக தெரிவிக்கப்பட்டுள்ளது.
கைது செய்யப்பட்ட அதிகாரி போதைப்பொருள் பாவனைக்கு கடுமையாக அடிமையானவர் என்பதும் ஆரம்பகட்ட விசாரணைகளில் தெரியவந்துள்ளதாக பொலிஸார் குறிப்பிட்டுள்ளனர். இதனையடுத்து, அவரிடம் இருந்து கைப்பற்றப்பட்ட போதைப்பொருட்கள் மற்றும் பிற பொருட்கள் தொடர்பிலும் மேலதிக விசாரணைகள் முன்னெடுக்கப்பட்டு வருகின்றன.
கைது செய்யப்பட்ட உப பொலிஸ் பரிசோதகர் 26 வயதுடையவர் எனவும், அவரை கல்கிசை நீதவான் நீதிமன்றத்தில் ஆஜர்படுத்துவதற்கான நடவடிக்கைகள் மேற்கொள்ளப்பட்டுள்ளதாகவும் பொலிஸ் ஊடகப் பேச்சாளர் தெரிவித்தார்.
இது தொடர்பாக பொலிஸார் மேலதிக விசாரணைகளை தொடர்ந்து முன்னெடுத்து வருகின்றனர்.
எங்களின் சமீபத்திய செய்திகள், நிகழ்நேர முக்கிய செய்திகள் உடனுக்குடன் தெரிந்துகொள்ளுங்கள்.
