யஷஸ்வி ஜெய்ஸ்வால்: இந்தியாவின் புதிய டெஸ்ட் சென்சேஷன் - 7 சதங்கள், 7 மைதானங்களில் வரலாறு!

இந்திய டெஸ்ட் கிரிக்கெட்டில் ரோஹித் ஷர்மாவின் நம்பிக்கைக்குரிய கூட்டாளியாக யஷஸ்வி ஜெய்ஸ்வால் உருவெடுத்துள்ளார். தனது அபாரமான பேட்டிங் திறமையால், டெஸ்ட் போட்டிகளில் ஓப்பனிங் பேட்ஸ்மேன் இடத்தை உறுதியாகப் பிடித்துள்ளார். சமீபத்தில் மேற்கிந்தியத் தீவுகளுக்கு எதிரான டெஸ்ட் போட்டியில் தனது ஏழாவது சதத்தை பதிவு செய்த யஷஸ்வி, ஒரு வியக்கத்தக்க சாதனையை நிகழ்த்தியுள்ளார்.

தேர்ந்தெடுக்கப்பட்ட இடங்களில் நிதானமாகவும், நிலைபெற்ற பிறகு அதிரடியாகவும் ஆடுவதுதான் ஜெய்ஸ்வாலின் தனிப்பட்ட பாணி. இந்த அணுகுமுறை அவருக்கு பெரும் வெற்றியைத் தேடித் தந்துள்ளது. 25 டெஸ்ட் போட்டிகளில், 47 இன்னிங்ஸ்களில் களமிறங்கி, 49.89 சராசரியில் 2245 ரன்களைக் குவித்துள்ளார். இதில் 12 அரை சதங்களும், 6 சதங்களும் அடங்கும். அவரது அதிகபட்ச தனிநபர் ஸ்கோர் 214 ரன்கள். இதுவரை 277 பவுண்டரிகளையும், 43 சிக்ஸர்களையும் விளாசி எதிரணிக்கு சிம்ம சொப்பனமாக திகழ்கிறார்.

யஷஸ்வி ஜெய்ஸ்வால் இதுவரை அடித்த 7 டெஸ்ட் சதங்களும் 7 வெவ்வேறு மைதானங்களில் பதிவாகியுள்ளன. இது அவரது பன்முகத்தன்மையையும், எந்த சூழலிலும் ரன் குவிக்கும் திறனையும் எடுத்துக்காட்டுகிறது.

முதல் சதம் (2023, ஜூலை - டொமினிகா): மேற்கிந்தியத் தீவுகளுக்கு எதிரான தனது அறிமுக டெஸ்ட் போட்டியிலேயே 387 பந்துகளில் 171 ரன்கள் குவித்து தனது வருகையை பறைசாற்றினார். இதில் 16 பவுண்டரிகள் மற்றும் ஒரு சிக்ஸர் அடங்கும்.

இரண்டாவது சதம் (2024, பிப்ரவரி - விசாகப்பட்டினம்): இந்திய மண்ணில், இங்கிலாந்துக்கு எதிரான டெஸ்டில் 290 பந்துகளில் 19 பவுண்டரிகள், 7 சிக்ஸர்கள் உட்பட 209 ரன்கள் அடித்து இரட்டை சதம் விளாசினார்.

மூன்றாவது சதம் (2024, பிப்ரவரி - ராஜ்கோட்): அதே இங்கிலாந்து தொடரில் ராஜ்கோட் மைதானத்தில் 236 பந்துகளில் 14 பவுண்டரிகள், 12 சிக்ஸர்கள் உட்பட 214 ரன்கள் குவித்து, இரண்டாவது இன்னிங்ஸில் இரட்டை சதம் அடித்து அணியின் வெற்றிக்கு முக்கிய பங்காற்றினார்.

நான்காவது சதம் (ஆஸ்திரேலியா - பெர்த்): ஆஸ்திரேலியாவில் பெர்த் மைதானத்தில் 297 பந்துகளில் 15 பவுண்டரிகள், 3 சிக்ஸர்கள் உட்பட 161 ரன்கள் குவித்து தனது திறமையை வெளிப்படுத்தினார்.

ஐந்தாவது சதம் (இங்கிலாந்து - லீட்ஸ்): இங்கிலாந்து மண்ணில் நடைபெற்ற முதல் டெஸ்ட் போட்டியில் 159 பந்துகளில் 16 பவுண்டரிகள், ஒரு சிக்ஸர் உட்பட 101 ரன்கள் அடித்து சதம் கடந்தார்.

ஆறாவது சதம் (இங்கிலாந்து - ஓவல்): அதே இங்கிலாந்து மண்ணில் ஓவல் மைதானத்தில் நடைபெற்ற ஐந்தாவது டெஸ்ட் போட்டியில், இரண்டாவது இன்னிங்ஸில் 164 பந்துகளில் 14 பவுண்டரிகள், 2 சிக்ஸர்கள் உட்பட 118 ரன்கள் எடுத்து அசத்தினார்.

ஏழாவது சதம் (மேற்கிந்தியத் தீவுகள் - டெல்லி): சமீபத்தில் மேற்கிந்தியத் தீவுகளுக்கு எதிரான இரண்டாவது டெஸ்ட் போட்டியில், டெல்லி மைதானத்தில் அபாரமாக விளையாடி சதம் அடித்தமை குறிப்பிடத்தக்கது.

யஷஸ்வி ஜெய்ஸ்வாலின் இந்த தனித்துவமான சாதனை, இந்திய டெஸ்ட் கிரிக்கெட்டில் அவருக்கு ஒரு பிரகாசமான எதிர்காலத்தை உறுதிப்படுத்தி உள்ளதுடன், வெவ்வேறு மைதானங்களில், வெவ்வேறு சூழல்களில் ரன் குவிக்கும் அவரது திறமை, அவரை இந்தியாவின் அடுத்த பெரிய நட்சத்திரமாக உயர்த்தியுள்ளதை குறிப்பிடத்தக்கது.

நாட்டு நடப்புகளை உங்கள் கைபேசியில் பெற்றுக்கொள்ள நியூஸ்21 WHATSAPP CHANNEL இல் இணையுங்கள் JOIN NOW

GROUP 1 GROUP 2

Listen Live on Aha FM Your Favorite Online Tamil Radio!

Listen Live Visit Aha FM