இந்தோனேசியாவில் 7.4 ரிக்டர் நிலநடுக்கம்: சுனாமி எச்சரிக்கையால் பதற்றம்
தென் கிழக்கு ஆசியாவில் மீண்டும் ஒரு பெரிய இயற்கை பேரிடர் அச்சத்தை ஏற்படுத்தியுள்ளது. Indonesia நாட்டின் வடக்கு மொலுக்கா கடல் பகுதியில் 7.4 ரிக்டர் அளவில் பலத்த நிலநடுக்கம் பதிவாகியுள்ளது.
இன்று காலை சுமார் 6.48 மணியளவில் ஏற்பட்ட இந்த அதிர்வு, கடலடியில் சுமார் 10 கிலோமீட்டர் ஆழத்தில் மையம் கொண்டதாக United States Geological Survey தெரிவித்துள்ளது. இந்த திடீர் நிலநடுக்கம் காரணமாக அப்பகுதியில் பெரும் பதற்ற நிலை உருவாகியுள்ளது.
நிலநடுக்கத்துக்குப் பிறகு உடனடியாக சுனாமி அபாயம் குறித்த எச்சரிக்கை விடுக்கப்பட்டது. Pacific Tsunami Warning Center வெளியிட்ட தகவலின்படி, இந்த அதிர்வின் தாக்கம் Philippines, Malaysia உள்ளிட்ட அண்டை நாடுகளுக்கும் பரவக்கூடும் என கூறப்பட்டுள்ளது.
குறிப்பாக கடலோர பகுதிகளில் வசிக்கும் மக்கள் பாதுகாப்பான இடங்களுக்கு நகர வேண்டும் என்று அதிகாரிகள் அறிவுறுத்தியுள்ளனர்.
இந்த பேரிடரில் உயிரிழப்பும் பதிவாகியுள்ளது. வடக்கு சுலாவாசி பகுதியில் கட்டிடம் இடிந்து விழுந்ததில் ஒருவர் உயிரிழந்ததாக சர்வதேச செய்தி நிறுவனங்கள் தெரிவித்துள்ளன. மேலும், பல இடங்களில் கட்டிட சேதங்கள் ஏற்பட்டுள்ளதாகவும், மக்கள் அவசரமாக வெளியேற்றப்பட்டுள்ளதாகவும் தகவல்கள் வெளியாகின்றன.
நிலநடுக்கத்தின் மையப்பகுதி வடக்கு மொலுக்கா மாநிலத்திலிருந்து சுமார் 120 கிலோமீட்டர் தொலைவில் அமைந்திருந்தது. சுமார் 2 லட்சம் மக்கள் வசிக்கும் இந்த பகுதி, தற்போது அவசர கண்காணிப்பில் வைக்கப்பட்டுள்ளது.
அதிகாரிகள் தொடர்ந்து நிலைமையை ஆய்வு செய்து வருகின்றனர். சுனாமி அபாயம் குறித்த அடுத்தடுத்த அறிவிப்புகள் வரும் வரை மக்கள் எச்சரிக்கையுடன் இருக்குமாறு அறிவுறுத்தப்பட்டுள்ளது.
எங்களின் சமீபத்திய செய்திகள், நிகழ்நேர முக்கிய செய்திகள் உடனுக்குடன் தெரிந்துகொள்ளுங்கள்.
