விராட் கோலியின் அதிரடி சதம்: கொல்கத்தாவை வீழ்த்தி பிளேஆஃப் நம்பிக்கையை பலப்படுத்திய RCB
Indian Premier League தொடரில் நடைபெற்ற முக்கிய லீக் போட்டியில், Royal Challengers Bengaluru அணி, Kolkata Knight Riders அணியை 6 விக்கெட் வித்தியாசத்தில் வீழ்த்தி முக்கிய வெற்றியை பதிவு செய்தது.
ராய்ப்பூரில் நடைபெற்ற இந்த போட்டியில் முதலில் துடுப்பாடிய கொல்கத்தா அணி, 20 ஓவர்களில் 192 ஓட்டங்கள் சேர்த்தது. இளம் வீரரான Angkrish Raghuvanshi சிறப்பான ஆட்டத்தை வெளிப்படுத்தி 46 பந்துகளில் 71 ஓட்டங்கள் எடுத்தார்.
இறுதிக்கட்டத்தில் Rinku Singh அதிரடியாக விளையாடி 29 பந்துகளில் 49 ஓட்டங்கள் சேர்த்ததன் மூலம் KKR வலுவான இலக்கை நிர்ணயித்தது.
193 ஓட்டங்கள் என்ற இலக்கை துரத்திய பெங்களூரு அணிக்கு தொடக்கத்தில் சில அதிர்ச்சிகள் ஏற்பட்டாலும், அனுபவம் மிக்க Virat Kohli அபாரமான இன்னிங்ஸை விளையாடி அணியை வெற்றிப்பாதைக்கு அழைத்துச் சென்றார்.
கோலி 60 பந்துகளில் ஆட்டமிழக்காமல் 105 ஓட்டங்கள் குவித்தார். அவரது இன்னிங்ஸில் 11 பவுண்டரிகளும் 3 சிக்ஸர்களும் இடம்பெற்றன. இது IPL தொடரில் அவர் பதிவு செய்த 9வது சதமாகும்.
அவருக்கு துணையாக Devdutt Padikkal 39 ஓட்டங்கள் சேர்த்தார். இருவரும் இணைந்து 129 ஓட்டங்கள் கூட்டணியாக சேர்த்தது போட்டியின் திருப்புமுனையாக அமைந்தது.
KKR அணியின் பந்துவீச்சில் Kartik Tyagi 3 விக்கெட்டுகளை கைப்பற்றி போராடினாலும், கோலியின் அபார ஆட்டத்தை தடுக்க முடியவில்லை.
இறுதியில் 19.1 ஓவர்களில் 194 ஓட்டங்கள் எடுத்த RCB, 6 விக்கெட் வித்தியாசத்தில் வெற்றி பெற்றது. இந்த வெற்றி பெங்களூரு அணியின் பிளேஆஃப் வாய்ப்புகளை மேலும் வலுப்படுத்தியுள்ளது.
எங்களின் சமீபத்திய செய்திகள், நிகழ்நேர முக்கிய செய்திகள் உடனுக்குடன் தெரிந்துகொள்ளுங்கள்.
