RR வெற்றியால் CSK-வுக்கு அதிர்ச்சி: பிளேஆஃப் பந்தயத்தில் கடைசி இடத்தை நோக்கி 4 அணிகள் கடும் போட்டி!
ஜெய்ப்பூரில் நடந்த கடைசி லீக் போட்டியில் லக்னோ சூப்பர் ஜெயண்ட்ஸ் அணியை 7 விக்கெட்டுகள் வித்தியாசத்தில் வீழ்த்தியதன் மூலம், ராஜஸ்தான் ராயல்ஸ் (RR) பிளேஆஃப் பந்தயத்தில் தனது நிலையைப் பலப்படுத்திக் கொண்டது. இந்த வெற்றி, ஐபிஎல் 2026-ன் பிளேஆஃப் கனவை பஞ்சாப் கிங்ஸ் (PBKS), கொல்கத்தா நைட் ரைடர்ஸ் (KKR) மற்றும் சென்னை சூப்பர் கிங்ஸ் (CSK) அணிகளுக்கு மேலும் கடினமாக்கியுள்ளது.
இப்போட்டியில் முதலில் பேட்டிங் செய்த லக்னோ அணி, மிட்செல் மார்ஷின் அபாரமான 96 ரன்கள் (57 பந்துகள்) மற்றும் ஜோஷ் இங்லிஸின் அதிரடியான அரைசதம் (60 ரன்கள்) ஆகியவற்றின் துணையுடன் 20 ஓவர்களில் 5 விக்கெட்டுகளை இழந்து 220 ரன்கள் குவித்தது. இதன்மூலம் ராஜஸ்தான் அணிக்கு 221 ரன்கள் என்ற சவாலான இலக்கு நிர்ணயிக்கப்பட்டது.
இலக்கை நோக்கி விளையாடிய ராஜஸ்தான் அணிக்கு, இளம் வீரர் வைபவ் சூர்யவன்ஷியின் அபாரமான ஆட்டம் முன்னிலை வகுத்தது. அவர் 38 பந்துகளில் 93 ரன்கள் (7 பவுண்டரிகள், 6 சிக்ஸர்கள்) குவித்து அணிக்கு வெற்றியின் அடித்தளமிட்டார். மறுமுனையில் துருவ் ஜூரல் 53 ரன்களுடன் (6வது அரைசதம்) கடைசிவரை ஆட்டமிழக்காமல் இருந்து அணியை வெற்றிப்படையில் கொண்டு சேர்த்தார். RR இந்தச் சவாலான இலக்கை 19.1 ஓவர்களில் எட்டி, 5 பந்துகள் மீதமிருக்கும்போதே வெற்றியைப் பதிவு செய்தது.
இந்த வெற்றியின் மூலம் RR 13 போட்டிகளில் 14 புள்ளிகளுடன் நான்காவது இடத்திற்கு முன்னேறியுள்ளது. முன்னதாக, ராயல் சேலஞ்சர்ஸ் பெங்களூரு (RCB), குஜராத் டைட்டன்ஸ் (GT) மற்றும் சன்ரைசர்ஸ் ஹைதராபாத் (SRH) ஆகிய அணிகள் ஏற்கனவே பிளேஆஃப்புக்குத் தகுதி பெற்றுவிட்டன. தற்போது நான்காவது மற்றும் கடைசி பிளேஆஃப் இடத்திற்கான போட்டியில் RR, PBKS, KKR மற்றும் CSK ஆகிய அணிகள் உள்ளன.
எங்களின் சமீபத்திய செய்திகள், நிகழ்நேர முக்கிய செய்திகள் உடனுக்குடன் தெரிந்துகொள்ளுங்கள்.
