"முகப்பருவால் முகம் காட்டவே பயந்தேன்" - மனம் திறந்த நடிகை ஷிவாங்கி ஜோஷி!

பிரபல சின்னத்திரை நடிகை ஷிவாங்கி ஜோஷி, தனது சருமப் பிரச்சினைகள் மற்றும் அதனால் அவர் எதிர்கொண்ட விமர்சனங்கள் குறித்து மனம் திறந்து பேசியுள்ளார். சமூக வலைதளங்களில் தோற்றம் சார்ந்த விமர்சனங்கள் ஒருவரின் மனநிலையில் ஏற்படுத்தும் பாதிப்புகள் குறித்து அவர் தனது அனுபவத்தைப் பகிர்ந்துள்ளார்.

நடிகை ஷிவாங்கி ஜோஷி கூறியதாவது:

"எனக்கு சிறு வயதிலிருந்தே முகப்பரு மற்றும் சருமப் பிரச்சினைகள் இருந்து வருகின்றன. அதனால், யாராவது தங்கள் முகத்தைக் காட்டத் தயங்கினாலோ அல்லது அதைப் பற்றி கவலைப்பட்டாலோ அவர்களின் மனநிலையை என்னால் நன்றாகப் புரிந்துகொள்ள முடியும். ஆனால், என் முகத்தையும், மேக்கப்பையும் பலர் கேலி செய்வது மிகவும் வேதனையாக இருக்கிறது," என்று கூறினார்.

இதையும் படியுங்கள்

விஷாலின் 'மகுடம்' டிரெய்லர் எப்போது? - வெளியானது அதிகாரப்பூர்வ அறிவிப்பு!

சில ஆண்டுகளுக்கு முன்பு, பிரபல இந்தி தொலைக்காட்சி தொடரான 'யே ரிஷ்தா க்யா கேஹ்லாதா ஹை' (Yeh Rishta Kya Kehlata Hai) தொடரில் நடித்தபோது, அவரது முகத்தில் இருந்த முகப்பரு தழும்புகள் சில காட்சிகளில் தென்பட்டதையடுத்து சமூக வலைதளங்களில் அவர் கடுமையான டிரோல்களுக்கும், விமர்சனங்களுக்கும் ஆளானார். இந்த தோற்றம் சார்ந்த விமர்சனங்கள் அவரின் மனதை ஆழமாகப் பாதித்ததாகவும், ஒரு கட்டத்தில் முகத்தைக் காட்டவே பயந்த நிலைக்கு தள்ளப்பட்டதாகவும் அவர் தெரிவித்தார்.

ஒருவரின் தோற்றத்தை அடிப்படையாகக் கொண்டு செய்யப்படும் விமர்சனங்கள் அவர்களின் மனநிலையை மிகவும் ஆழமாக பாதிக்கக்கூடும் என்பதை தனது அனுபவத்தின் மூலம் ஷிவாங்கி ஜோஷி எடுத்துரைத்தார். "உங்களுக்குத் தெரியாத ஒருவரின் உடல், தோற்றம் அல்லது வேறு எதையும் குறித்து விமர்சிப்பது அவர்களின் மனநிலையைப் பாதிக்கலாம். யாரும் யாரையும் அவர்களின் தோற்றத்திற்காக விமர்சிக்கக் கூடாது" என்று அவர் வலியுறுத்தினார்.

இதையும் படியுங்கள்

பாடகி எஸ்.ஜானகி காலமானார்; அரச மரியாதையுடன் உடல் அடக்கம் செய்யப்படும் என கர்நாடக அரசு அறிவிப்பு

தனது உணர்வுகளை வெளிப்படையாகப் பகிர்ந்த நடிகைக்கு ரசிகர்கள் மற்றும் பலரும் ஆதரவு தெரிவித்து வருகின்றனர். சமூக வலைதளங்களில் அவரது பதிவு வைரலாகி வருவதோடு, உடல் அவமதிப்பு (Body Shaming) குறித்த விழிப்புணர்வு பதிவுகளும் அதிகரித்துள்ளன.