ருமேனியாவில் வேலை என ரூ.920 மில். மோசடி; சந்தேகநபரை கைதுசெய்ய மக்களின் உதவியை நாடும் பொலிஸ்!
ருமேனியாவில் வேலை வாய்ப்புகளை வழங்குவதாக உறுதியளித்து, தனிநபர்களை ஏமாற்றியதாகக் குற்றம் சாட்டப்பட்ட சந்தேகநபரைக் கண்டுபிடிக்க பொலிஸார் பொதுமக்களின் உதவியை நாடியுள்ளனர்.
ரெயின்போ கார்மென்ட்ஸ் டெக்னாலஜிஸ் (Rainbow Garments Technologies) என்ற நிறுவனம் குறைந்தது 750 நபர்களை ஏமாற்றி, இந்தத் திட்டத்தின் மூலம் கிட்டத்தட்ட ரூ. 920 மில்லியனைப் பெற்றதாகக் கூறப்படும் குற்றச்சாட்டுகள் தொடர்பாக, குற்றப் புலனாய்வுத் துறையும் வர்த்தகக் குற்றப் பிரிவும் இணைந்து விசாரணையைத் தொடங்கியுள்ளன.
சந்தேகநபர், ஹோமாகமவைச் சேர்ந்த 54 வயதான ஷெர்லி ஜெயவர்தன அமடோரு (Shirley Jayawardana Amadoru) என அடையாளம் காணப்பட்டுள்ளார்.
இவர் அந்த நிறுவனத்தின் இயக்குநராக இருக்கலாம் என நம்பப்படுகிறது. அவர் அப்பகுதியிலிருந்து தப்பிச் சென்றுவிட்டதாக பொலிஸார் தெரிவித்தனர்.
சந்தேகநபர் குறித்த தகவல் தெரிந்தவர்கள் 071-8594910 அல்லது 011-2444172 என்ற இலக்கங்களுடன் பொலிஸாரைத் தொடர்புகொள்ளுமாறு கேட்டுக்கொள்ளப்படுகிறார்கள்.
எங்களின் சமீபத்திய செய்திகள், நிகழ்நேர முக்கிய செய்திகள் உடனுக்குடன் தெரிந்துகொள்ளுங்கள்.
