விஜய்–சங்கீதா விவாகரத்து விவகாரம்: திரிஷாவுடன் விஜய் கலந்துகொண்ட திருமண நிகழ்ச்சி பேசுபொருள்
தமிழக வெற்றிக் கழகத்தின் தலைவர் விஜய்யிடம் இருந்து விவாகரத்து கோரி அவரது மனைவி சங்கீதா குடும்பநல நீதிமன்றத்தை அணுகியுள்ள நிலையில், விஜய்யின் தனிப்பட்ட வாழ்க்கை மீண்டும் கவனத்தை ஈர்த்துள்ளது.
சங்கீதா தாக்கல் செய்துள்ள விவாகரத்து மனுவில், ஒரு நடிகையுடன் தனது கணவர் விஜய் நெருங்கிய தொடர்பில் இருப்பதாக குறிப்பிட்டிருந்ததாக கூறப்படுகிறது. இந்த பின்னணியில், சென்னையில் நடைபெற்ற ஒரு திருமண வரவேற்பு நிகழ்ச்சியில் விஜய்யும் நடிகை திரிஷாவும் ஒன்றாக கலந்து கொண்டது சமூக ஊடகங்களில் பரபரப்பை ஏற்படுத்தியுள்ளது.
பிரபல ஏஜிஎஸ் படத்தயாரிப்பு நிறுவனத்தின் உரிமையாளரின் மகனான கல்பாத்தி சுரேஷின் திருமண வரவேற்பு நிகழ்ச்சியில் விஜய்யும் திரிஷாவும் ஒரே காரில் வந்து கலந்துகொண்டுள்ளனர். மேலும், இருவரும் ஒரே நிற உடையில் தோன்றியதுடன், நிகழ்ச்சிக்கு வரும்போதும் செல்லும்போதும் இயல்பாகப் பேசி சிரித்தபடி இருந்ததை வெளியாகியுள்ள வீடியோ காட்டுகிறது.
இந்த நிகழ்வின் வீடியோ சமூக ஊடகங்களில் வெளியாகி, பலராலும் பரவலாகப் பகிரப்பட்டு வருகிறது.
இதற்கிடையில், விஜய்யின் தனிப்பட்ட வாழ்க்கையை விமர்சித்ததாக கூறப்பட்ட நிலையில், தமிழக பாஜக தலைவர் நயினார் நாகேந்திரன் தனது கருத்துக்கு வருத்தம் தெரிவித்திருந்தார்.
விஜய்–சங்கீதா விவாகரத்து விவகாரம் சமூக ஊடகங்களில் அதிகமாக பேசப்பட்டாலும், அரசியல் தரப்பில் இருந்து இதுவரை பெரிய அளவில் விமர்சனங்கள் முன்வைக்கப்படவில்லை.
எங்களின் சமீபத்திய செய்திகள், நிகழ்நேர முக்கிய செய்திகள் உடனுக்குடன் தெரிந்துகொள்ளுங்கள்.
