கனடா வரலாற்று வெற்றி: தென்னாப்பிரிக்காவை வீழ்த்தி நாக் அவுட் சுற்றில் அடுத்த கட்டத்திற்கு முன்னேற்றம்
உலகக் கிண்ண கால்பந்து தொடரின் நாக் அவுட் சுற்றில் கனடா அணி தென்னாப்பிரிக்காவை எதிர்த்து விளையாடிய போட்டியில் 1-0 என்ற கோல் கணக்கில் வெற்றி பெற்று அடுத்த கட்டத்திற்கு முன்னேறியுள்ளது.
லாஸ் ஏஞ்சலிஸில் உள்ள SoFi விளையாட்டரங்கில் நடைபெற்ற இந்தப் போட்டி, 32 அணிகள் களமிறங்கும் நாக் அவுட் சுற்றின் முதல் ஆட்டமாகும். கனடாவும் தென்னாப்பிரிக்காவும் இதுவரை நாக் அவுட் சுற்றுக்கு தகுதி பெறாத நிலையில், இம்முறை இரண்டு அணிகளுமே முதல் முறையாக இந்தச் சுற்றுக்கு முன்னேறியிருந்தன குறிப்பிடத்தக்கது.
உலகக் கிண்ணத்தை இணைந்து நடத்தும் நாடுகளில் கனடாவும் ஒன்று என்பதும், நடத்தும் நாடு வேறொரு நாட்டின் மண்ணில் விளையாடுவது இதுவே முதல் முறை என்பதும் இந்தப் போட்டியின் சிறப்பம்சமாகும்.
ஆட்டம் முழுவதும் இரு அணிகளுமே கோல் அடிப்பதில் சிரமப்பட்ட நிலையில், 92ஆம் நிமிடத்தில் கனடாவின் ஸ்டீவன் இயூஸ்டாக்கியோ அடித்த அபாரமான கோல் ஆட்டத்தின் போக்கையே மாற்றியது. இந்த ஒற்றைக் கோல் வெற்றியின் மூலம் கனடா அடுத்த கட்டத்திற்கு முன்னேறி சாதனை படைத்துள்ளது.
இனி வரும் 16 அணிகள் சுற்றில் கனடா நெதர்லந்து அல்லது மொரொக்கோ அணிகளில் ஒன்றை எதிர்கொள்ளவிருக்கிறது.
எங்களின் சமீபத்திய செய்திகள், நிகழ்நேர முக்கிய செய்திகள் உடனுக்குடன் தெரிந்துகொள்ளுங்கள்.
