மட்டக்களப்பு காந்தி பூங்கா அருகே ஆற்றில் மிதந்த ஆணின் சடலம் மீட்பு
மட்டக்களப்பு, காந்தி பூங்காவுக்கு அருகிலுள்ள வாவியில் (ஆற்றுப் பகுதி) அடையாளம் தெரியாத ஆண் ஒருவரின் சடலம் கரை ஒதுங்கியது. செவ்வாய்க்கிழமை (மே 19) மாலை 5 மணியளவில் பொதுமக்கள் சடலத்தை மிதப்பதைக் கண்டு பொலிஸாருக்குத் தெரிவித்தனர்.
சம்பவ இடத்திற்குச் சென்ற மட்டு தலைமையகப் பொலிஸார், சடலத்தை மீட்டு, அது ஆணின் சடலம் என உறுதிப்படுத்தினர். எனினும், இறந்தவர் யார் என இதுவரை அடையாளம் காணப்படவில்லை.
பிரேத பரிசோதனைக்காகச் சடலத்தை மட்டு போதனா வைத்தியசாலையில் ஒப்படைப்பதற்குத் தேவையான நீதிமன்ற அனுமதியைப் பெறும் நடவடிக்கைகளைப் பொலிஸார் மேற்கொண்டு வருகின்றனர். இது தொடர்பான மேலதிக விசாரணைகளையும் மட்டு தலைமையகப் பொலிஸார் தொடர்கின்றனர்.
எங்களின் சமீபத்திய செய்திகள், நிகழ்நேர முக்கிய செய்திகள் உடனுக்குடன் தெரிந்துகொள்ளுங்கள்.
