2026 பொதுநலவாய விளையாட்டில் இலங்கைக்கு முதல் பதக்கம்! பாலித பண்டார மீண்டும் வெள்ளி வென்று சாதனை
கிளாஸ்கோவில் நடைபெற்று வரும் 2026 பொதுநலவாய விளையாட்டுப் போட்டிகளில், ஆண்களுக்கான பரிதி வட்டம் எறிதல் போட்டியில் இலங்கையின் பாலித பண்டார வெள்ளிப் பதக்கத்தை வென்று வரலாற்றுச் சாதனை படைத்துள்ளார்.
2026 பொதுநலவாய விளையாட்டுப் போட்டிகளில் இலங்கை வென்றுள்ள முதல் பதக்கம் இதுவாகும்.
பாலித பண்டார, ஆண்களுக்கான F42-44/F61-64 பாரா தடகளப் பிரிவில் பங்கேற்று, இந்த வெற்றியைப் பதிவு செய்துள்ளார்.
இறுதிப் போட்டியில் 46.84 மீற்றர் தூரத்துக்கு பரிதி வட்டத்தை எறிந்த அவர், இரண்டாவது இடத்தைப் பிடித்தார். இது சர்வதேச அரங்கில் அவரது தனிப்பட்ட சிறந்த பதிவாக அமைந்துள்ளது.
இது பாலித பண்டார பொதுநலவாய விளையாட்டுப் போட்டிகளில் வெல்லும் இரண்டாவது தொடர்ச்சியான வெள்ளிப் பதக்கமாகும். இதற்கு முன்னர் 2022ஆம் ஆண்டு பேர்மிங்ஹாமில் நடைபெற்ற போட்டிகளிலும் அவர் வெள்ளிப் பதக்கம் வென்றிருந்தமை குறிப்பிடத்தக்கது.
சர்வதேச அரங்கில் பாலித பண்டார வெளிப்படுத்திய இந்தச் சிறப்பான திறமை இலங்கைக்கு பெருமை சேர்த்துள்ளது.
கூகுளில் நியூஸ்21ஐ பின்தொடரவும்
கூகுள் செய்திகளில் எங்களின் முக்கியச் செய்திகளை உடனுக்குடன் பெற கிளிக் செய்யவும்.
→
