WhatsApp-ல் புதிய ‘Username’ வசதி: இனி தொலைபேசி இலக்கத்தை பகிர வேண்டிய அவசியமில்லை
WhatsApp பயனர்கள் நீண்ட காலமாக எதிர்பார்த்து வந்த ‘Username’ (பயனர் பெயர்) அம்சம் அறிமுகம் செய்யப்பட உள்ளது.
இந்த புதிய வசதியின் மூலம், பயனர்கள் தங்களது தொலைபேசி இலக்கத்தை மற்றவர்களுடன் பகிராமல் WhatsApp-ல் தொடர்பு கொள்ள முடியும். இதனால் தனியுரிமை (Privacy) பாதுகாப்பு மேலும் மேம்படும் என எதிர்பார்க்கப்படுகிறது.
இந்த அம்சத்தை பயன்படுத்துவதன் மூலம், உங்களைத் தொடர்பு கொள்ளும் நபர்களிடம் உங்கள் தனிப்பட்ட தொலைபேசி இலக்கத்தை மறைத்து வைத்திருக்க முடியும். குறிப்பாக புதிய நபர்களுடன் உரையாடும்போது இது பயனர்களுக்கு கூடுதல் பாதுகாப்பை வழங்கும்.
தகுதியுள்ள பயனர்கள் WhatsApp செயலியில் உள்ள Settings > Account > Username பகுதிக்குச் சென்று தங்களுக்கு விருப்பமான Username-ஐ தேர்வு செய்து முன்பதிவு செய்யலாம்.
இந்த வசதி தற்போது அனைத்து பயனர்களுக்கும் ஒரே நேரத்தில் வழங்கப்படாமல், படிப்படியாக அறிமுகப்படுத்தப்பட்டு வருகிறது. உங்கள் பகுதியில் இந்த அம்சம் கிடைக்கும் போது WhatsApp செயலி மூலம் அறிவிப்பு வழங்கப்படும்.
புதிய Username வசதி மூலம் WhatsApp பயன்படுத்தும் அனுபவம் மேலும் எளிமையாகவும் பாதுகாப்பானதாகவும் மாறும் என எதிர்பார்க்கப்படுகிறது.
எங்களின் சமீபத்திய செய்திகள், நிகழ்நேர முக்கிய செய்திகள் உடனுக்குடன் தெரிந்துகொள்ளுங்கள்.
