மனிதன் சென்றதிலேயே தொலைதூர விண்வெளிப் பயணம் – வீரர்கள் பாதுகாப்பாக பூமிக்கு திரும்பினர்
மனிதன் இதுவரை சென்றதிலேயே மிகத் தொலைவான விண்வெளிப் பயணத்தை நிறைவு செய்து, NASA-வின் ஆர்ட்டெமிஸ் II (Artemis II) பயணத்தில் கலந்து கொண்ட விண்வெளி வீரர்கள் வெற்றிகரமாக பூமிக்குத் திரும்பியுள்ளனர்.
இந்தப் பயணத்தில் பயன்படுத்தப்பட்ட ஓரியன் (Orion spacecraft) விண்கலம், ஒலியின் வேகத்தை விட பல மடங்கு அதிக வேகத்தில் பூமியின் வளிமண்டலத்தை நுழைந்தது.
குறிப்பாக, இது ஒலியின் வேகத்தை விட சுமார் 33 மடங்கு அதிக வேகத்தில் பயணித்ததாக விஞ்ஞானிகள் தெரிவித்துள்ளனர். இதன் வேகம் 1969ஆம் ஆண்டு நடந்த Apollo 10 mission பயணத்தின் வேகத்தை விட சற்று குறைவாக இருந்ததாக கணிக்கப்பட்டுள்ளது.
இந்தப் பயணத்தில் பங்கேற்ற நான்கு விண்வெளி வீரர்களும் California மாநிலத்தில் உள்ள San Diego கடற்கரைக்கு அருகிலுள்ள பசிபிக் பெருங்கடலில் (Pacific Ocean) பாதுகாப்பாக தரையிறங்கினர்.
விண்கலம் கடலில் இறங்கியவுடன், NASA மற்றும் அமெரிக்க ராணுவம் (US Military) இணைந்து விண்கலத்தையும், அதில் இருந்த வீரர்களையும் மீட்கும் பணியில் ஈடுபட்டது.
பாதுகாப்பாக மீட்கப்பட்ட விண்வெளி வீரர்கள், தொடர்ந்து மருத்துவ பரிசோதனைகளுக்காக அனுப்பப்பட்டுள்ளனர். இந்த வெற்றிகரமான பயணம், மனிதன் எதிர்காலத்தில் சந்திரன் (Moon) மற்றும் அதற்கு அப்பால் மேற்கொள்ளும் விண்வெளி ஆய்வுகளுக்கான முக்கியமான முன்னேற்றமாக பார்க்கப்படுகிறது.
எங்களின் சமீபத்திய செய்திகள், நிகழ்நேர முக்கிய செய்திகள் உடனுக்குடன் தெரிந்துகொள்ளுங்கள்.
