ஐசிசி தரவரிசையில் ஜோ ரூட் மீண்டும் முதலிடம்! இந்திய வீரர்களின் நிலை என்ன?
சர்வதேச கிரிக்கெட் கவுன்சில் வெளியிட்டுள்ள கிரிக்கெட் வீரர்கள் தரவரிசைப் பட்டியலில் இங்கிலாந்து வீரர் ஜோ ரூட் மீண்டும் முதலிடம் பிடித்து இருக்கின்றார்.
இந்தியா, இங்கிலாந்து அணிகளுக்கு இடையிலான 3ஆவது டெஸ்ட் கிரிக்கெட் போட்டி லண்டன் லார்ட்ஸ் மைதானத்தில் நடைபெற்று வந்தது.
இந்த போட்டியில் இங்கிலாந்து 22 ரன்கள் வித்தியாசத்தில் வெற்றி பெற்றது. இந்த போட்டியில் இங்கிலாந்து வீரர் ஜோ ரூட் முதல் இன்னிங்ஸில் சதம் விளாசினார். மேலும், 2ஆவது இன்னிங்ஸிலும் 40 ரன்கள் சேர்த்தார்.
இந்நிலையில், ஐசிசி நேற்று வெளியிட்டுள்ள டெஸ்ட் கிரிக்கெட் வீரர்கள் (பேட்ஸ்மேன்) தரவரிசைப் பட்டியலில் சக நாட்டு வீரர் ஹாரி புரூக்கை பின்னுக்குத் தள்ளி ஜோ ரூட், மீண்டும் முதலிடம் பிடித்துள்ளார்.
நியூஸிலாந்து வீரர் கேன் வில்லியம்சன் 2-வது இடத்திலும், இங்கிலாந்து வீரர் ஹாரி புரூக் 3-வது இடத்திலும் உள்ளனர்.
இந்திய வீரர்கள் யஷஸ்வி ஜெய்ஸ்வால், ரிஷப் பந்த், ஷுப்மன் கில் ஆகியோர் முறையே 5, 8, 9-வது இடங்களைப் பிடித்துள்ளனர்.
எங்களின் சமீபத்திய செய்திகள், நிகழ்நேர முக்கிய செய்திகள் உடனுக்குடன் தெரிந்துகொள்ளுங்கள்.
