கடுமையான புகலிடக் கட்டுப்பாட்டுத் தீர்மானத்திற்கு சுவிட்சர்லாந்து நாடாளுமன்றக் கீழவை ஒப்புதல்
சுவிட்சர்லாந்தில் புகலிட விதிகளில் கடுமையான கட்டுப்பாடுகளைக் கொண்டுவரும் நோக்கில் முன்வைக்கப்பட்ட தீர்மானத்திற்கு அந்நாட்டு நாடாளுமன்றத்தின் கீழவை பெரும்பான்மை ஆதரவுடன் ஒப்புதல் அளித்துள்ளது.
சுவிஸ் மக்கள் கட்சியால் வியாழக்கிழமையன்று நாடாளுமன்றத்தின் கீழவையில் இந்தத் தீர்மானம் கொண்டுவரப்பட்டது. இதில், எல்லை கடந்து பணியாற்றும் பணியாளர்களுக்கான இழப்பீட்டு விதிகளில் மாற்றங்களைச் செய்தல் மற்றும் பயங்கரக் குற்றங்களில் ஈடுபடும் இரட்டைக் குடியுரிமை கொண்ட நபர்களின் குடியுரிமையை ரத்து செய்து அவர்களை உடனடியாக நாடுகடத்துதல் உள்ளிட்ட கடுமையான நடவடிக்கைகளை எடுக்குமாறு அரசிடம் கோரப்பட்டுள்ளது.
மேலும், ஆப்கானிஸ்தான் நாட்டுப் பெண்களுக்குத் தானாகவே புகலிடம் வழங்கும் நடைமுறையை மாற்றி அவர்களுக்குத் தற்காலிக அனுமதி நிலையை மட்டுமே வழங்குதல் மற்றும் புகலிட விவகாரங்களில் உரிய ஒத்துழைப்பு வழங்காத நாடுகள் மீது தடைகள் விதித்தல் ஆகிய அம்சங்களும் இந்தத் தீர்மானத்தில் உள்ளடக்கப்பட்டுள்ளன.
சுவிஸ் மக்கள் கட்சி முன்வைத்த இந்த யோசனைகளுக்கு நாடாளுமன்றக் கீழவை உறுப்பினர்கள் பெரும்பான்மையாக ஆதரவு தெரிவித்து வாக்களித்ததைத் தொடர்ந்து அத்தீர்மானம் வெற்றிகரமாக நிறைவேறியுள்ளது.
எங்களின் சமீபத்திய செய்திகள், நிகழ்நேர முக்கிய செய்திகள் உடனுக்குடன் தெரிந்துகொள்ளுங்கள்.
