300 ஆண்டுகளுக்கு பிறகு மகா சிவராத்திரியில் அரிய கிரக யோகங்கள் – 6 ராசிகளுக்கு அதிர்ஷ்ட காலம்
இந்த ஆண்டில் மகா சிவராத்திரி பிப்ரவரி 15ஆம் தேதி அனுஷ்டிக்கப்படுகிறது. ஜோதிடக் கணிப்புகளின்படி, சுமார் 300 ஆண்டுகளுக்குப் பிறகு அரிய கிரக சேர்க்கைகள் இந்த நாளில் உருவாக உள்ளதாக கூறப்படுகிறது.
மும்மூர்த்திகளில் ஒருவரான சிவபெருமானுக்கு அர்ப்பணிக்கப்பட்ட முக்கியமான ஆன்மீக நாளாக மகா சிவராத்திரி கருதப்படுகிறது. ஒவ்வொரு மாதமும் சிவராத்திரி வந்தாலும், மாசி மாதத்தில் வரும் மகா சிவராத்திரி மிகவும் சிறப்பு வாய்ந்ததாக கருதப்படுகிறது. இந்த ஆண்டில் மகா சிவராத்திரி பிப்ரவரி 15ஆம் தேதி அனுஷ்டிக்கப்படுகிறது. ஜோதிடக் கணிப்புகளின்படி, சுமார் 300 ஆண்டுகளுக்குப் பிறகு அரிய கிரக சேர்க்கைகள் இந்த நாளில் உருவாக உள்ளதாக கூறப்படுகிறது.
இந்த ஆண்டின் மகா சிவராத்திரியில் புதாதித்ய ராஜயோகம், திரிகிரக ராஜயோகம், லட்சுமி நாராயண ராஜயோகம், சுக்ராதித்ய ராஜயோகம், நவபஞ்ச ராஜயோகம், வியதிபத் யோகம், வாரியன் யோகம் மற்றும் துருவ யோகம் உள்ளிட்ட எட்டு முக்கிய யோகங்கள் ஒரே நாளில் உருவாகும் என ஜோதிடர்கள் தெரிவிக்கின்றனர். இந்த யோகங்கள் அனைத்து ராசிகளிலும் தாக்கம் செலுத்தும் என்று நம்பப்பட்டாலும், சில ராசிகளுக்கு அதிக நன்மைகள் கிடைக்கும் என கூறப்படுகிறது.
மேஷ ராசியினருக்கு இந்த காலகட்டம் நிதி முன்னேற்றத்தை அளிக்கக்கூடும் என கூறப்படுகிறது. நீண்ட காலமாக நிலுவையில் இருந்த வேலைகள் நிறைவேற வாய்ப்பு உள்ளதாகவும், பல்வேறு வழிகளில் வருமானம் அதிகரிக்கலாம் என்றும் எதிர்பார்க்கப்படுகிறது. கன்னி ராசியினருக்கு தொழில் மற்றும் வணிக துறையில் முன்னேற்றம் ஏற்படக்கூடும். புதிய முயற்சிகளில் வெற்றி கிடைக்கும் வாய்ப்பும், முதலீடுகள் எதிர்காலத்தில் பலன் அளிக்கக்கூடும் என நம்பப்படுகிறது.
விருச்சிக ராசியினருக்கு பணியிடத்தில் பதவி உயர்வு அல்லது புதிய பொறுப்புகள் கிடைக்கும் சூழல் உருவாகலாம். நீண்ட கால உழைப்பிற்கு உரிய பலன் கிடைக்கக்கூடும். மகர ராசியினருக்கு பொருளாதார நிலை மேம்படும் காலமாக இது அமையலாம். நிலுவையில் இருந்த பணம் கிடைக்கக்கூடும் என்றும், தொழில் மற்றும் பணியில் வளர்ச்சி காண வாய்ப்பு இருப்பதாக கூறப்படுகிறது.
கும்ப ராசியினரின் குடும்ப வாழ்க்கையில் அமைதியும் மகிழ்ச்சியும் நிலவும் காலமாக இது அமையலாம். திருமண வாழ்க்கையில் இருந்த சிக்கல்கள் குறைய வாய்ப்பு உள்ளது. துலாம் ராசியினருக்கு தடைபட்ட வேலைகள் நிறைவேறலாம். குடும்பத்தினரின் ஆதரவும் கிடைக்கலாம். தொழில் மற்றும் வணிக துறைகளில் வளர்ச்சி மற்றும் லாபம் கிடைக்கும் வாய்ப்பு இருப்பதாக ஜோதிடக் கணிப்புகள் தெரிவிக்கின்றன.
(பொறுப்புத் துறப்பு: மேலே வழங்கப்பட்டுள்ள தகவல்கள் ஜோதிட நம்பிக்கைகள் மற்றும் பொதுவான கணிப்புகளின் அடிப்படையில் வழங்கப்பட்டவை. இதன் நம்பகத்தன்மைக்கு உறுதி அளிக்க முடியாது. எந்த முக்கிய முடிவுகளையும் எடுப்பதற்கு முன் சம்பந்தப்பட்ட நிபுணர்களின் ஆலோசனையை பெறுவது அவசியம்.)
GROUP 1
Listen Live
Visit Aha FM
