புத்தாண்டு ராசிபலன் 2024: அள்ளித் தரும் சுக்ரன் மற்றும் செவ்வாய்...  மூன்று ராசிகளுக்கு பண மழை!

புத்தாண்டு ராசிபலன் 2024: சில கிரகங்கள் ஒரே ராசியில் ஒன்றாக அமர்வது அதிர்ஷ்டத்தையும் ஜாதக ரீதியாக சில யோகங்களையும் ஏற்படுத்தும். 2024 புத்தாண்டு தொடங்குவதற்கு இன்னும் சில நாட்கள்தான் இருக்கின்றன. 

Dec 16, 2023 - 08:27
புத்தாண்டு ராசிபலன் 2024: அள்ளித் தரும் சுக்ரன் மற்றும் செவ்வாய்...  மூன்று ராசிகளுக்கு பண மழை!

புத்தாண்டு ராசிபலன் 2024

சில கிரகங்கள் ஒரே ராசியில் ஒன்றாக அமர்வது அதிர்ஷ்டத்தையும் ஜாதக ரீதியாக சில யோகங்களையும் ஏற்படுத்தும். 2024 புத்தாண்டு தொடங்குவதற்கு இன்னும் சில நாட்கள்தான் இருக்கின்றன. 

இந்த நிலையில், 2024 ஆம் ஆண்டின் தொடக்கத்திலேயே பல கிரகங்கள் அடுத்தடுத்து ஒரு ராசியில் இருந்து மற்றொரு ராசிக்கு பெயர்ச்சியாக இருக்கின்றன. இதில் சுக்கிரன், புதன், செவ்வாய் என்று மாத கோள்கள் சிலநாட்களுக்கு ஒருமுறை 2024 ஆம் ஆண்டு முதல் பெயர்ச்சி ஆகின்றன. 

இதில், புத்தாண்டு தொடங்கிய சில நாட்களிலேயே கும்ப ராசியில், செவ்வாயும் சுக்கிரனும் ஒன்றாக இணைந்து சஞ்சரிக்க இருக்கிறார்கள். செவ்வாய் மற்றும் சுக்கிரனின் தன்மை ஒரு சில ராசிகளுக்கு அதிர்ஷ்டத்தையும் யோகத்தையும் ஏற்படுத்தும்.

செவ்வாய் மற்றும் சுக்கிரன் இருவருமே நட்பு கிரகங்கள் ஆவார்கள். ஒரு நபரின் பிறந்த ஜாதகத்தில் செவ்வாய் மற்றும் சுக்கிரன் இணைந்திருந்தால் அந்த நபர் அதிக ஆற்றல் உடைய நபராக இருப்பார். 

அவர் ஜாதகத்தில் சுக்ர மங்கள யோகம் ஏற்படும். இதனால் நிலம், வீடு சம்பந்தப்பட்ட விஷயங்களில் பொதுவாக சிக்கல்கள் இருக்காது. 

அதுமட்டுமில்லாமல் ஆணுக்கு இந்த யோகம் இருந்தால் மனைவி வழியிலும், பெண்ணுக்கு இந்த இணைவு இருந்தால் கணவன் வழியிலும், அதாவது திருமணமான பின்பு யோகமான காலமாக அமையும். இத்தகைய யோகம் தரும் செவ்வாய் மற்றும் சுக்கிரனின் இணைவு, 2024 ஆம் ஆண்டு கும்ப ராசியில் நடைபெற இருக்கிறது.

ஆற்றலைக் குறிக்கும் கிரகமான செவ்வாயும், வசதி, சொகுசு, செல்வ வளத்தைக் குறிக்கும் சுக்ரன் இணையும் போது, இரண்டு கிரகங்களின் காரகங்களும் பல மடங்கு அதிகரிக்கும்.

கும்ப ராசியில் ஏற்படும் செவ்வாய் மற்றும் சுக்கிரன் இனைவால், பின்வரும் மூன்று ராசிகளுக்கு மிகப்பெரிய அதிர்ஷ்டம் மற்றும் மாற்றங்கள் ஏற்பட இருக்கிறது.

மேஷம் ராசிக்கு பண வரவு

மேஷ ராசிக்கு 11 ம் வீடான லாப ஸ்தானத்தில் செவ்வாய் மற்றும் சுக்கிரனின் இணைவு ஏற்பட இருக்கிறது. பொதுவாகவே எல்லா ராசிகளுக்கும் அந்த ராசியில் இருந்து 11 ஆம் வீடு லாப ஸ்தானம் ஆகும். இது இயற்கையாகவே சுப ஸ்தானம் என்று கூறப்படுகிறது. 

எனவே 11ம் வீட்டில் எந்த கிரகம் வந்தாலுமே எதிர்மறையான பலன்கள் நிச்சயமாக நடக்காது. இதில் மேஷத்தின் அதிபதியான செவ்வாய் மற்றும் மேஷத்திற்கு நட்பு கிரகமான சுக்கிரன் ஒன்றாக இணைந்து சஞ்சரிக்கும் பொழுது எதிர்பாராத அதிர்ஷ்டமும் பண வரமும் கிடைக்கும். கிட்டத்தட்ட புதையல் கிடைத்தது போல அல்லது லாட்டரி போல பண மழை பொழியும்.

ரிஷபம் ராசிக்கு வேலை & வணிகத்தில் மிகப்பெரிய வளர்ச்சி

கும்பராசியில் ஏற்படக்கூடிய செவ்வாய் மற்றும் சுக்கிரனின் இணைவு ரிஷப ராசிக்கு வேலை மற்றும் தொழில் ஸ்தானமாக அமைகிறது. எனவே இந்த இடத்தில் ஏற்படும் இந்த சுக்கிர மங்கள யோகம், ரிஷப ராசியினருக்கு வேலை & தொழிலில் நினைத்துப் பார்க்காத அளவுக்கு வளர்ச்சியைக் கொடுக்கும். 

வியாபாரம், கமிஷன், அலுவலக ஊழியர், நிறுவனம், என்று வருமானம் ஈட்டும் துறைகளில் மிகப்பெரிய வளர்ச்சியைக் காணுவீர்கள். வணிகர்களுக்கு மிகப்பெரிய தொகைக்கான ஒப்பந்தங்கள் கிடைக்கலாம் அல்லது விற்பனை பலமடங்கு அதிகரிக்கலாம். அலுவலகத்தில் வேலை செய்பவர்களுக்கு, எதிர்பார்க்காத வகையில் பதவி உயர்வும் ஊதிய உயர்வும் கிடைக்கும்.

மகரம் ராசிக்கு புதிய வழிகளில் பண வரவு

மகர ராசிக்கு இரண்டாம் வீடான குடும்ப ஸ்தானத்தில் சுக்கிரன் மற்றும் செவ்வாய் கிரகங்களின் இணைவு வரு மா னத்தை கணிசமாக அதிகரிக்கும் பல வழிகளிலிருந்து பண வரவு கிடைக்கும் ஒன்றுக்கு மேற்பட்ட தொழில்கள் செய்வதற்கு வாய்ப்புகள் உங்களை தேடி வரும். பொருளாதார நிலை மிகப்பெரிய அளவில் மாற்றம் அடையும். பணம் வரவு மட்டுமல்லாமல் மகர ராசிக்கு சுக்கிர மங்கள இணைவு என்பது எல்லா விதங்களிலும் வெற்றியை ஏற்படுத்தும்.


நாட்டு நடப்புகளை உங்கள் அலைபேசியில் பெற்றுக்கொள்ள நியூஸ்21 WHATSAPP இல் இணையுங்கள். JOIN NOW GROUP 01 அல்லது JOIN NOW GROUP 02


NEWS21
நியூஸ்21 இணையதளத்தை இங்கே கிளிக் செய்து Follow செய்யுங்கள்...

NEWS21
நியூஸ்21 Youtube சேனலை இங்கே கிளிக் செய்து Subscribe செய்யுங்கள்...