'எந்தக் குழந்தையும் ஒருபோதும் சந்திக்கக் கூடாத' சூழ்நிலைகளில் சூடான் குழந்தைகள் பிறக்கின்றன: சேவ் தி சில்ட்ரன்
சூடானில் நடந்து வரும் கடுமையான உள்நாட்டு மோதலுக்கு மத்தியில், ஒவ்வொரு நிமிடத்திலும் சுமார் மூன்று குழந்தைகள் மிக மோசமான சூழலில் பிறக்கின்றனர் என சர்வதேச தொண்டு நிறுவனம் 'சேவ் தி சில்ட்ரன்' எச்சரித்துள்ளது.
2023 ஏப்ரலில் தொடங்கிய சூடான் ராணுவம் மற்றும் பராமிலிட்டரி குழுவான ரேபிட் சப்போர்ட் ஃபோர்ஸ் (RSF) இடையிலான போர் தற்போது மூன்றாவது ஆண்டை எட்டியுள்ளது. இந்த மோதலால் நாடு முழுவதும் பெரும் மனிதாபிமான பேரழிவு உருவாகியுள்ளது.
'சேவ் தி சில்ட்ரன்' வெளியிட்ட தகவலின்படி, போரின் தொடக்கம் முதல் இதுவரை சுமார் 5.6 மில்லியன் குழந்தைகள் பிறந்துள்ளனர். அதாவது தினமும் சுமார் 5,000 குழந்தைகள், ஒரு நாளில் ஒரே ஒரு உணவுக்கே போராடும் சூழலில் வாழும் மக்களிடையே பிறக்கின்றனர் என தெரிவிக்கப்பட்டுள்ளது.
இந்த அமைப்பின் சூடான் நாட்டுத் தலைவர் முகமது அப்திலடிப், குழந்தைகள் நெரிசலான தங்குமிடங்கள், சேதமடைந்த மருத்துவமனைகள் அல்லது இடம்பெயர்ந்த சூழலில் பிறக்க வேண்டிய நிலை உருவாகியுள்ளது என தெரிவித்துள்ளார். போர் சூழலிலும் குழந்தைகளுக்கு பாதுகாப்பும் மருத்துவ பராமரிப்பும் கிடைக்க வேண்டும் என்றும் அவர் வலியுறுத்தியுள்ளார்.
2023 ஏப்ரல் 15 அன்று சூடான் ராணுவ தலைவர் அப்தெல் ஃபத்தா அல்-புர்ஹான் மற்றும் ஆர்எஸ்எஃப் தலைவர் முகமது ஹம்தான் டகாலோ இடையிலான அதிகாரப் போட்டி முழு அளவிலான போராக மாறியது.
இதன் விளைவாக இதுவரை பல்லாயிரக்கணக்கானோர் உயிரிழந்துள்ளனர். சுமார் 12 மில்லியன் மக்கள் இடம்பெயர்ந்துள்ளனர். இதனால் சூடான் உலகின் மிக மோசமான மனிதாபிமான நெருக்கடியை சந்தித்து வருவதாக ஐநா தெரிவித்துள்ளது.
இரு தரப்பும் போர் குற்றச்சாட்டுகள் மற்றும் மனித உரிமை மீறல் குற்றச்சாட்டுகளை எதிர்கொண்டுள்ள நிலையி
எங்களின் சமீபத்திய செய்திகள், நிகழ்நேர முக்கிய செய்திகள் உடனுக்குடன் தெரிந்துகொள்ளுங்கள்.
