நாட்டின் 9 மாவட்டங்களுக்கு மண்சரிவு அபாய எச்சரிக்கை – பொதுமக்களுக்கு முக்கிய அறிவிப்பு!
நாட்டில் தற்போது நிலவும் கனமழையுடன் கூடிய சீரற்ற வானிலை காரணமாக ஒன்பது மாவட்டங்களின் பல பிரதேசங்களுக்கு மண்சரிவு அபாய எச்சரிக்கை விடுக்கப்பட்டுள்ளது.
தேசிய கட்டட ஆராய்ச்சி நிறுவகத்தினால் (NBRO) முதலாம் மற்றும் இரண்டாம் கட்டங்களின் கீழ் இந்த எச்சரிக்கை அறிவிக்கப்பட்டுள்ளது.
குறிப்பாக பதுளை, கேகாலை மற்றும் நுவரெலியா மாவட்டங்களின் சில பகுதிகளுக்கு இரண்டாம் கட்ட எச்சரிக்கை விடுக்கப்பட்டுள்ளதால், அப்பகுதிகளில் வசிக்கும் பொதுமக்கள் கூடுதல் அவதானத்துடன் இருக்குமாறு அறிவுறுத்தப்பட்டுள்ளனர்.
இரண்டாம் கட்ட மண்சரிவு அபாய எச்சரிக்கை
இரண்டாம் கட்ட எச்சரிக்கையின் கீழ் பின்வரும் பிரதேச செயலகப் பிரிவுகள் உள்ளடக்கப்பட்டுள்ளன.
-
பதுளை மாவட்டம் – பசறை
ADVERTISEMENTADVERTISEMENT -
கேகாலை மாவட்டம் – தெரணியகலை
-
நுவரெலியா மாவட்டம் – நில்தண்டாஹின்ன, வலப்பனை, அம்பகமுவ கோரளை
இந்தப் பகுதிகளில் தொடர்ச்சியான மழையினால் மண்சரிவு ஏற்படக்கூடிய அபாயம் காணப்படுவதால், பொதுமக்கள் தமது சுற்றுப்புறச் சூழலில் ஏற்படும் மாற்றங்கள் குறித்து விழிப்புடன் இருக்க வேண்டும்.
முதலாம் கட்ட எச்சரிக்கை விடுக்கப்பட்டுள்ள பகுதிகள்
கண்டி மாவட்டத்தின் உடுதும்பறை, உடுநுவர, தும்பனே, மினிப்பே மற்றும் யட்டிநுவர ஆகிய பிரதேச செயலகப் பிரிவுகளுக்கு முதலாம் கட்ட மண்சரிவு அபாய எச்சரிக்கை விடுக்கப்பட்டுள்ளது.
இரத்தினபுரி மாவட்டத்தின் எஹெலியகொட, எலபாத, அயகம, வெலிகேபொல, கொடகவெல, கொலொன்ன, பலாங்கொடை மற்றும் இரத்தினபுரி ஆகிய பகுதிகளும் இந்த எச்சரிக்கையின் கீழ் உள்ளடக்கப்பட்டுள்ளன.
பதுளை மாவட்டத்தின் மீகஹகிவுல பிரதேசத்திற்கும் முதலாம் கட்ட எச்சரிக்கை அறிவிக்கப்பட்டுள்ளது.
மேல் மற்றும் தென் மாகாணங்களிலும் எச்சரிக்கை
கொழும்பு மாவட்டத்தின் பாதுக்க மற்றும் சீதாவக்க ஆகிய பிரதேச செயலகப் பிரிவுகளுக்கும் மண்சரிவு அபாய எச்சரிக்கை விடுக்கப்பட்டுள்ளது.
அதேபோன்று காலி மாவட்டத்தின் தவலம, எல்பிட்டிய மற்றும் கரந்தெனிய ஆகிய பகுதிகளும் முதலாம் கட்ட எச்சரிக்கையின் கீழ் உள்ளன.
களுத்துறை மாவட்டத்தின் வலல்லாவிட்ட, பாலிந்தநுவர, இங்கிரிய மற்றும் புலத்சிங்ஹல ஆகிய பிரதேசங்களிலும் வசிக்கும் மக்கள் அவதானத்துடன் இருக்குமாறு அறிவுறுத்தப்பட்டுள்ளனர்.
கேகாலை, நுவரெலியா மற்றும் மொனராகலையிலும் அபாயம்
கேகாலை மாவட்டத்தின் அரநாயக்க, யட்டியாந்தோட்டை, புலத்கொஹுபிட்டிய, மாவனெல்ல, ருவன்வெல்ல, கேகாலை மற்றும் வரகாப்பொல ஆகிய பிரதேசங்களுக்கும் முதலாம் கட்ட மண்சரிவு அபாய எச்சரிக்கை விடுக்கப்பட்டுள்ளது.
நுவரெலியா மாவட்டத்தின் மதுரட்ட, கொத்மலை மேற்கு, கொத்மலை கிழக்கு மற்றும் ஹங்குராங்கெத்த ஆகிய பிரதேசங்களும் எச்சரிக்கைப் பட்டியலில் இடம்பெற்றுள்ளன.
மேலும் மொனராகலை மாவட்டத்தின் வெல்லவாய பிரதேசத்திற்கும் முதலாம் கட்ட எச்சரிக்கை விடுக்கப்பட்டுள்ளது.
எங்களின் சமீபத்திய செய்திகள், நிகழ்நேர முக்கிய செய்திகள் உடனுக்குடன் தெரிந்துகொள்ளுங்கள்.
