இந்தியாவின் கிழக்கு கடலோரப் பகுதியில் நிலவும் தீவிர காற்றழுத்த தாழ்வு மண்டலம் காரணமாக இலங்கையின் தென்மேற்கு பகுதிகளில் 100 மி.மீ-க்கும் அதிக மழை பெய்யக்கூடும் என வளிமண்டலவியல் திணைக்களம் தெரிவித்துள்ளது.
வங்காள விரிகுடாவில் நிலைகொண்டுள்ள தாழமுக்கம் தீவிரமடைந்து வரும் நிலையில் நாட்டின் பல பகுதிகளில் கனமழையுடன் பலத்த காற்று வீசக்கூடும் என வளிமண்டலவியல் திணைக்களம் எச்சரித்துள்ளது.
வடக்கு, வடமத்திய மற்றும் வடமேற்கு மாகாணங்களிலும் திருகோணமலை மாவட்டத்திலும் பலத்த மழை பெய்யக்கூடும் என எச்சரிக்கை விடுக்கப்பட்டுள்ளது.
"டித்வா" சூறாவளியின் கனமழையால் பெரும்பாலான முக்கிய நீர்த்தேக்கங்களும் குளங்களும் நிரம்பி வழிகின்றன.
